奖门人丨薛家燕听到湿身要出秘密武器以年资压制高难道嘢搵人顶

2022-09-03 14:30

薛家燕昨晚（2日）到电视城为《开心无敌奬门人》录影，家燕姐透露今次是曾志伟突然邀请参加：「可能因为港姐个show要推迟，今次好急，佢前日叫我嘅。」提到志伟早前染疫，家燕姐即紧张地问：「佢好返未？」问怕不怕录影时会中招，家燕姐透露所有人在录影前必须要做快测：「呢个系一个保障，因为疫情都好紧要，大家都要小心为重。」她又指现时除保持心境开朗外，每天也会跳十字步来增强免疫力。

家燕姐指自己一直很想参与此节目，但来到才知道有湿身环节，亦会有忌廉弹落块面，以及跳高去拮波等环节，故她事前亦叮嘱队友如陈晓华、翟威廉等要表现自己。对于陈晓华表示湿身环节打算与她坐在一起，家燕姐听罢后即笑指自己有秘密武器：「就系Captain Nancy，（会变身？）梗系啦，佢淋我，Captain Nancy就出现。（如果佢叫你食辣辣寿司？）我一定会问佢出道先定我出道先？如果我出道先，佢尊重我嘅话，啲辣嘢梗系唔系畀我食啦，啲观众唔锺意我做有难道嘅嘢，佢哋锡我，系锺意我做啲开心嘅嘢。」