有个闺密叫祖蓝丨苑琼丹做亚视遭冷待化妆师发烂自封东北恶狗：我会咬人

2022-09-01 18:57

由王祖蓝主持的综艺节目《有个闺密叫祖蓝》，本周日（4日）播出第六集邀请苑琼丹做嘉宾，祖蓝抵死表示与苑仔结缘，全因帮衬过对方公司的「育发」及「防脱发」疗程。

与祖蓝一碰头就「把口冇停过」的苑仔，自封「东北恶狗」：「我会咬人，我份人落闸放狗，我最大问题系就算我想呃你，但我个样（呃唔到人）……好多人都好惊我，我又好衰嘅，比较八卦，收收埋埋人哋好多黑材料。」每集都会带嘉宾食好西的祖蓝，先后带苑仔到北京的四合院叹茶及品尝海鲜边炉，二人还接受制作组的「逆转Truth or Dare」及「演技＋观察力测试」等任务，结果苑仔全线技术性击倒祖蓝，展示过人侦探头脑，更连环爆料大谈圈中见闻。

苑仔对自己的皮肤好自信，仲搞笑话当年年轻貌美。

苑仔自封是「东北恶狗」。

王祖蓝表示与苑仔结缘，全因帮衬过对方的「育发」及「防脱发」疗程。

苑琼丹在节目中提到与《男亲女爱》同剧演员的深厚友情。

苑仔分享事业、爱情及婚姻方面的波折及得著，还有人生观、爱情观及与《男亲女爱》同剧演员的深厚友情等。她指当初对演戏产生兴趣，全因读书时上过TVB新闻节目：「有次TVB去我学校拍计数机嘅故仔，摄影师拍拍吓走埋我度，咁我咪喺度扮计数罗，嗰晚返去睇新闻真系见到自己，我就觉得自己好似好识做戏咁。」

1982年因报读亚洲电视第一期艺员训练班入行，苑仔谓全靠在亚视打好基础，才得以在TVB「生存」：「我喺亚视时会得罪啲高层，譬如有人诬蔑我，我会同高层解释，就算佢话『唔听呀，你出去啦』，我都会话『唔得！我一定要讲。』人哋请你出去你都唔走、系都要讲，其实好冇礼貌。我记得做完头一个星期TVB，我揸架车去亚视度喊。」

苑仔续指在TVB工作初期「好多说话听」：「有一次我梳头，佢（工作人员）梳得有啲唔啱，我就话『咦？唔连戏喎』，梳头嗰个嗰把梳就即刻啪喺张枱度话『咁你自己梳』，其实嗰吓要发脾气好容易，要起身拍枱讲粗口都得，但我当时谂咗谂决定吞咗佢。我拎起把梳，佢真系唔知我识梳，我咪自己吹自己梳，之后就起身走。」她透露当年在亚视化妆间亦曾多番受冷待，更试过坐足一小时冇人理，之后有化妆师点醒便走去学化妆转做「不求人」：「从此以后冇人可以掂我个妆，冇眉毛又好、彩虹眼影又好、画星星眼都好，全部我自己化。」