独家丨肥妈拒提名孙女选港姐 18岁二孙女拥火辣身材被指撞样甄妮

2022-08-22 09:00

68岁肥妈（Maria Cordero）儿孙满堂，好有福气。早前大孙女Soufia返港，在肥妈的Youtube频道亮相后，即被赞靓女，还有人建议她参加香港小姐。日前二孙女Zamara又趁暑假来港，肥妈今趟带住两个孙女一齐去饮茶，写着：「另外一个孙女Zamara都飞咗返嚟，一返嚟第一件事都系话要饮茶，因为好耐未饮过茶，所以今日一齐嚟再去饮茶，Zamara留几日好快就要走了。」甜到入心的肥妈被取笑：「糖尿飙升！」

肥妈又带孙去饮茶，今次仲多咗二孙女（右）Zamara一齐去。

肥妈揽住大孙女Soufia（左）同二孙女Zamara，笑到莲子蓉咁口。

古铜肌肤最吸睛

片中见两个孙女穿上白色衫配古铜肤色，望落去特别醒神，一左一右伴住肥妈，负责拍片的黑妹姐笑言好似自己后生的小野猫造型。肥妈透露孙女Soufia和Zamara的乳名，说：「Zamara叫节瓜，细个肥到啲肉要拮入去先拮到，肥到一节一节，而家好瘦。而Soufia就叫挛毛。」上次提到Soufia有两年没有返香港，而Zamara则有一年半，但因疫情要隔离，Zamara只有9日时间陪肥妈，两嫲孙都表示会好好珍惜。

不少网民大赞两位孙女省镜：「超级靓，笑容非常甜美」、「广东话又讲得咁好，人又乖巧，绝对可选香港小姐有馀」，更有人觉得二孙女Zamara好似「甄妮」。Zamara的个性似乎较开朗好动，在她的社交平台上有不少派对玩乐相，还有性感泳装照，大骚火辣辣fit爆身材。

Zamara今年18岁，唔少网民觉得佢有啲似甄妮。

望落又真系有啲似。

唔少网民都赞肥妈两个孙女靓女，二孙女撞样甄妮。

谢嘉怡都系由肥妈提名参选，仲攞埋港姐冠军。

肥妈年轻时被叫参加工展小姐

肥妈曾提名契女谢嘉怡参选港姐，最后更夺得2020年港姐冠军。对于孙女被叫参选港姐，肥妈昨日（21日）回覆《星岛头条》，透露大孙女今年20岁Soufia，而二孙女Zamara今年18岁，但肥妈就拒绝做孙女提名人，她以短讯回覆：「呢几日都好多人问我呀，我不会提名她们参加香港小姐，😂😂😂因为一个想做医生，一个想做心理医生，佢哋自己拣啦，如果佢哋想参加香港小姐让别人提名，😂😂我不会」。问到是否有她当年风采？她笑说：「😂😂我当年被人叫我参加工展小姐，我阿妈搵木屐去钉人，啲后生梗系好过我哋当年啦😂。」