Locker染金发戴Colour Con突变型棍岑珈其激赞：咁靓仔真系好咩

2022-08-15 20:30

2016年，林家熙（Locker）凭电影《点五步》踏入演艺圈，2020年底加入网台「试当真」，入行6年Keep住有作品面世，当中有剧又有电影，虽然唔系做主角，但好多角色都好受欢迎，例如《IT狗》嘅富二代角色「开开」，仲系好记得。

Locker形象一向斯斯文文。

去年，Locker公开跟「试当真」成员吴家忻（Kayan9896）恋情，之后两人经常在社交平台放闪，又寓拍拖于搵钱，情侣档狂接广告，攞正牌亲热，羡慕死好多连登仔。

拍住拖搵钱最开心。

写咁多字都系为咗铺排讲Locker个新Look，佢形象一向无乜特色，唔知佢为新戏定自己想转吓形象，碌吓IG见到佢染咗金发，仲铲短晒头发兼戴埋Colour Con，成个Look好似啲戏入面企喺啲黑帮大佬隔离嘅百厌鬼仔咁，口多多嗰只，总之几型棍，圈中老友都赞佢呀，好似丽英就赞佢有型，之前被人踩丑样嘅岑珈其就问佢：咁靓仔真系好咩？ANSONBEAN同卓韵芝都表示好欣赏。