丁子朗选港男前系四眼宅男 个样似「隔离师奶个仔」曾不被睇好

丁子朗（Karl）接受林柏希主持的网上节目《月倾会》访问，2016年参选港男入行的丁子朗，透露在加拿大读书时是一个四眼宅男薯仔，他说：「佢（TVB）签我返嚟都话唔好睇，纯粹贪我个样够亲切，似隔离师奶个仔！」

入行6年，丁子朗最感挫败一次，是跟阿姐汪明荃做一个粤剧颁奖礼的司仪，由于自己不停NG，要全世界等他一个，令他一额汗：「我直头谂紧我系咪啱做司仪，但阿姐好好，佢话你唔得我帮你讲埋佢啦，我真系喊出嚟！」

 

当初TVB签丁子朗返嚟都觉得佢唔系咁好睇，纯粹贪佢个样够亲切。

丁子朗系《2016年度香港先生选举》亚军。

丁子朗选港男时已经好大只。

丁子朗感激阿姐好照顾。

 

谈到爱情生活，25岁丁子朗自爆由18岁初恋开始，至今拍过三次拖，他直认并非一个称职男友，笑言希望下一段恋情能与圈外人拍拖：「因为我觉得圈内人成日大家都知道大家啲通告，好似冇乜privacy，哈哈哈！」至于绯闻女友林宣妤，他说：「都系一个好朋友嘅阶段，大家都系好好认识嘅！」

他承认有圈中女艺人主动追求，而他亦有过心仪对象，丁子朗说：「拍剧时候，长期相处实会有一啲感情出现嘅！（边套剧？）边套就你自己谂啦，拍剧对象啦！」可惜最后未能成功，而丁子朗就透露这位曾经追过的女拍档，至今只合作过一次！

 

接受林柏希访问。

喺加拿大读书时，丁子朗真系一个四眼宅男样，劲薯。

 

想同古仔hehe做拍档 

成日晒肌，丁子朗曾在《森美旅行团》节目全裸出镜，拍摄时要请走麦美恩、吴若希及女PA，并要先跟导演处理「走光」片段后才交给人剪辑。丁子朗承认获不少同志垂青，收过不少裸照！问到如果开拍BL剧，想找边个做对手？丁子朗好快有答案：「古天乐罗，《大叔的爱》咁样，哈哈哈，古天乐都真系几好呀，佢由后生靓到依家，真系冇得输！我都想自己年纪大咗少少之后，可以成为古天乐！」

 

最大胆一次，就系拍《森美旅行团》全裸出镜，丁子朗承认收过唔少同志裸照。

 

戥好兄弟余德丞离巢开心

对于好兄弟余德丞离巢TVB，丁子朗亦戥对方开心：「我觉得系正，但系唔会系少只香炉少只鬼！正嘅原因，系我好戥佢开心，因为我知道佢系好想睇呢个世界，大家都见到佢嘅发展系非常之好！」最后他预告将在《法证先锋V》饰演一个沉默的法医，他自言好喜欢这个角色。

戥好兄弟余德丞有新发展开心。

 

星岛新闻集团庆回归25周年专题网站，请即浏览

立即下载 | 全新《星岛头条》APP : https://bit.ly/3yLrgYZ