丁子朗拍剧唔识笑遭粗口问候学懂职场必杀技：唔好阻收工

2022-05-28 13:30

24岁的TVB「小鲜肉」丁子朗最近接受陈敏之的个人频道访问，谈到当年以19岁之龄参加香港先生成为三料亚军后入行，虽然不乏演出机会，但非一帆风顺。

子朗直言一开始亦遭家人反对，因当年他入大学一年便放弃学业由加拿大返港追梦，他说：「爸爸有讲过，话呢行好多人银行户口几廿蚊，又要自己租屋住，你唔系谂住我Support到你40岁呀？不如我畀到你25、6岁，当供你读大学。」不过，子朗希望能靠自己闯出一片天：「我读大学都有做兼职，有用私己钱。最开心入行2、3年时父母嚟过香港探我，我可以畀到家用，畀咗啲港纸佢哋使，唔想衰畀佢哋睇，你个仔喺香港唔系话捞得好掂，但过到活。知道入行后条路系漫长嘅，都希望最终系凯旋回归。」

丁子朗同陈敏之、高海宁系同一个经理人，因为一次一齐去睇演唱会而熟络。

父母曾反对丁子朗发明星梦，担心穷到户口冇钱。

丁子朗原来都有半年冇工作，去考保险牌。

不过，子朗亦曾遇过迷失期，有近半年几乎零工作，在朋友建议下去考保险牌，他自言是一个「一定要做嘢嘅人」。而工作上亦曾受尽冷言冷语，但反而成为自己未来的动力，他说：「大家以为我好醒目，又做过大骚主持，但试过有一次我拍剧，临尾收厂28、29（凌晨4、5点），争我一个笑容，佢要我笑，因为嗰时真系唔识做戏，我就系做唔到，笑唔得好，大家都好炆，大家等紧我。（即系唔合佢心意？）系，导演话不如嚟多次，现场就有一个工作人员就话，你擘大个口大家就收工啦！佢闹我（有冇粗口？）一、两个字，所以就觉得『哗』。（咁你咪好伤心？）好伤心呀嗰吓，但呢一件事好好，令我记得到而家，令我每一刻返工嘅时候，都唔会阻大家收工，呢个系我希望做到嘅嘢，第二就系你做得唔好系会令其他人受罪。」