MIRROR演唱会丨被爆跌落台鼓佬曝光 同未吊高恐怖巨型LED屏幕合照

MIRROR演唱会上月28日发生巨型LED屏幕堕下惨剧，其中27岁舞蹈员李启言（阿Mo）脑出血及颈椎爆裂骨折，至今仍然在深切治疗部（ICU）留医，情况危殆。

有报道指幕后人员透露，镜仔于开骚前一日（24日）才开始第一次总彩排，而且意外重重，「原本夜晚9点先开始full dress rehearsal，即系开骚前唔够24小时，点知最后搞到（翌日）凌晨1点先开始，然后凌晨4点因为鼓手连鼓跌落台（冇叫白车，所以外人唔知）而嗌停，成套鼓炒落鼓手，再炒低埋另一个乐手，不过佢只系受咗轻伤，唔影响表演。然后竟然第二朝call大家朝早9点返嚟继续，『28:00』系凌晨4点喎。」幕后人员愈爆愈多，「好喇，第二朝继续full dress rehearsal，监制仲不停排、不停嗌停，喺度执细位。结果呢，直到夜晚7点准备观众入场前先停，演唱会最后一part有部份都未彩排过，就够胆开骚。」

据知黑人鼓手叫Padget，之前曾为冯允谦演唱会打鼓，睇佢IG，放咗张同未吊高嘅恐怖巨型LED屏幕合照，并写上祝祷文，祝福阿Mo，又透露：「作为一名Artist及表演者，目睹呢场悲剧真系好难过，亦好痛苦，甚至想像到呢个意外有可能发生喺我哋任何人身上。」

 

从相片可见每块巨型LED屏幕均有两条钢索吊住。

 

鼓佬祝福阿Mo。

 

彩排中。

 

正式表演为AK弹奏《信之卷》。

 

鼓佬表示，「想像到呢个意外有可能发生喺我哋任何人身上。」

 

之前帮冯允谦做演唱会。

 

今日佢再Po IG Story，上载MIRROR《One and All》歌曲， 并Show出歌词「如不安伴你经过便能硬朗，We are one and all，从不分你跟我。」再写上「keep praying，keep loving，keep strong」再Hashtag香港、阿Mo及MIRROR。

 

鼓佬出IG Story为MIRROR打气及再一次祝福阿Mo。

 

Padget与母亲。

 

星岛新闻集团庆回归25周年专题网站，请即浏览

立即下载 | 全新《星岛头条》APP : https://bit.ly/3yLrgYZ