独家丨刘青云笑谈绝密家事：屋企有蚁㗎疫情留家惊叹郭蔼明点解咁叻

2022-07-28 07:00

刘青云相隔11年再跟韦家辉导演合作电影《神探大战》，上映未足一周票房已冲破600万，内地票房更突破6亿人民币。两人合作近40年，韦导欣赏青云演绎再有新变化，青云就赞叹韦导的超凡创作力。疫情令电影延期上映，亦令青云被迫「滞留屋企」1年多，意外发现郭蔼明如何持家有道，他还学识处理家中大小事。另外，不爱上网的青云贯彻低调个性，未打算开通社交平台，想见青云只能买飞入场嘞！采访：杜杜摄影：沈健程　发型：Davy　YU@AdmiXHairStyling(汤怡)　化妆：木子维纳Vena(汤怡)　服装：Ralph Lauren(汤怡)　场地：尖沙咀iSQUARE英皇戏院

青云跟韦导和汤怡拍完戏后有段时间冇见，大家难得聚旧。

青云在《神探大战》演的是前总督察「李俊」，本是个破案无数的神探。

韦导多次强调《神探大战》跟2007年的《神探》没关系，不过《神探》的「陈桂彬」和《神探大战》的「李俊」同样是个查案好叻，但精神异常的警察，两个角色看似无关，却又有渊源，韦导解释：「07年拍《神探》时有个原型嘅『神探A』，但拍完出嚟同个原型完全唔同，我想拍嗰个故仔亦冇拍到，变咗『陈桂彬』版本嘅《神探》，咁多年我依然好锺意冇拍到嘅故仔，今次一起步想拍返，但系好神奇，拍拍吓又变咗𠵱家《神探大战》，『神探A』就演变咗『李俊』，虽然『陈桂彬』同『李俊』系完全唔同，但都系原型『神探A』度变出嚟。」问到原型『神探A』究竟有何特别呢？韦导就大卖关子，「我好锺意嗰个故仔，所以唔透露得，因为会拍嘛！」

戏中有庙街枪战，少拍动作戏的韦导，反而认为难拍有压力，才会迫自己进步。

青云在《神探》中，同样饰演一个查案好叻，但「神神哋」的警察。

发现吸尘机系有水嘅

84年的TVB剧集《画出彩虹》，韦导跟青云初次合作，一个编一个演，再到电影圈合作无间，转眼近40年。在韦导眼中青云由始至终是个叻演员，还深不可测，「佢嘅演法愈嚟愈西方，好似拍紧一个西片演员咁，好难讲分别，但系会feel到，睇得西片多就会知。」青云认为韦导创作力超乎想像，「拍呢套戏时导演成日叫我快啲，同我讲肾上腺，演戏演到医学咁滞，哈哈！我未演过亦都唔会选择咁高频率去演，一路好奇怪点解？但我冇问，我知总系有啲嘢，最尾套戏出嚟，佢将个故事推展到嘭！好似火车咁，呢个系我想像唔到，畀我好大惊喜。」

韦导跟青云相识共事接近40年。

青云笑指韦导拍摄时不停提他要快，迫他的肾上腺素颷升。

《神探大战》早在4年前已煞科，但疫情令电影延期至今才上映。青云自言疫情令他的生活起了翻天覆地变化，1年多没工开的日子，他发现很多以往不太留意的事情，首先是结婚24年的老婆郭蔼明，原来非常持家有道，「点解你咁多嘢都做得嚟嘅？我真系唔得！」青云坦承结婚以来，未试过对住老婆咁耐，亦令他对生活有重新体会及学习，「好得意，好似一套大悲剧入面搵到一啲好唔同嘅嘢，我以前通常都系拍戏，唔拍戏就等开工，唔开工就去咗旅行，大部份时间都唔系咁样生活。以前基本上一日三餐都唔会喺屋企食，但𠵱家一日三餐食都唔单止，我开始发现吸尘机系有水嘅，同埋知道屋企系有蚁㗎！我真系唔系呃你，以前叫我喺屋企搵嘢系件好痛苦嘅事，我真系唔知啲嘢摆喺边，但𠵱家真系好清楚。」

青云想不到疫情令他拾回不少生活感觉，「演员成日演好多生活嘅嘢，但本身唔系好真正过生活。」

青云和郭蔼明疫情下戴住口罩出街，估不到一样畀粉丝认出。

爱低调拒开社交平台

久未受访的青云愈讲愈兴奋，无谂过戴着口罩也被野生捕获，「唔明白戴住口罩，笠埋顶帽去搭𨋢，有位女士都问我『刘青云可唔可以影张相』哈哈！点解会知道我系？唔通件衫写咗个名喺度？」作为演员，幪住面都被观众认得，系咪应该值得开心？青云即搞笑话：「咁样讲有啲骄傲！我系比较humble嘅人，系咪开心？觉得奇怪罗！」

「刘青云」FB Page有过百万人like。

「刘青云」FB Page版主不时会分享人生语录，随便都有近5万like，近5千share。

一直未有社交平台的青云，早已知道有一个不时分享人生语录的「刘青云」FB Page，「嗰个（帐户）朋友都讲咗唔系我，但最有趣系有人同我讲，佢有个朋友有睇，就算同佢讲唔系我嚟，都话唔紧要，哈哈！」青云强调不会因徇众要求而开社交平台，因在他的认知中演员最好低调，「演员应该唔好成日俾人见到，譬如刘青云结咗婚又识第二个，如果佢做套戏演好男人，你信唔信吖？演员就系演戏，演完戏就唔见，广告最好都唔好拍，净系演戏最好，但系世界唔同咗，有啲嘢要open啲，但我都系对网上唔系太大兴趣！」问他是否宁愿去买餸？「买餸系件好好玩嘅事。」而作为「巿民刘先生」对于常去的九龙城街巿快将清拆，他趁机祝福档贩，「相信喺巿场入面我认识嘅人，可以搵到一个好好嘅办法继续生活。」