MIRROR演唱会丨Frankie讲感言踏空跌落台擦损手 吓死Fans鞠躬道歉

MIRROR首个红馆Show昨晚（25日）开锣，开骚前一晚已经爆出有舞蹈员投诉表演时的安全问题，开Show后见到舞蹈员落力跳以为问题已解决，原来未解决之馀发现问题更加多。

有大量「镜粉」（fans昵称）非常关注演唱会舞台的安全问题，指出四面台机关重重非常危险。首场尾声，Anson Kong及Lokman演唱 《虎道门》时，二人打对面在升降台跳唱，AK的升降台突然出现一下摇晃令他失平衡，险跌落舞台吓亲Fans，好彩AK身手敏捷随即企稳先冇事。「生粉」（AKfans昵称）涌入MIRROR FB Page留言闹爆主办单位唔顾及镜仔安全，强烈要求12子「平地表演」。

话口未完，今日第二场中段，陈瑞辉（Frankie）在高台发表感言时叉错脚跌落台，其实佢踏出一步预备落脚时，Fans已经叫佢唔好行，但已经赶唔切，好彩个台唔系太高，佢落地时已经立即起身话自己冇事，但已经吓到歌迷个个起身了解。事后Frankie因为令观众担心而鞠躬道歉，之后再跟队友大合唱，相信队友都吓亲，而AK更拖一拖佢作出安慰，之后Frankie走近观众前挥手打招呼，仲识笑添，Fans应该安乐晒。而Frankie亦有出PO展示伤势话自己只系擦损咗，仲笑笑口话自己福大命大，真系激死人。

Frankie投入讲感言。

因为太投入而叉错脚。

吓死人咩。

另一角度睇，虽然个台唔算高但扭亲都唔好啦。

因为自己大意吓亲观众，Frankie鞠躬道歉。

队友慰问佢。

暖男AK拖一拖皮皮问候。

冇事嘞，仲识笑添。

出PO展示伤势。

星岛新闻集团庆回归25周年专题网站，请即浏览

立即下载 | 全新《星岛头条》APP : https://bit.ly/3yLrg