周家怡获杨受成开船P庆牛一好老板买七位数赛艇供旗下艺人任玩

2022-07-27 11:00

上周六是周家怡的43岁生日，向来跟旗下艺人打成一片的英皇集团主席杨受成博士为家怡举行生日船P，更call埋热爱水上活动的同门艺人关智斌（Kenny）、卫诗雅（Michelle）、陈国邦、曾乐彤、李靖筠（Gladys）、艾妮（Elly）、黎峻（Kenneth）、刘若宝（Polly）及郭思（Suey）齐齐为新快艇作「下水礼」。

老板杨博士为家怡搞船P庆生，又送上乳猪造型蛋糕，认真有心思，寿星女表示：「大家玩得非常开心，要多谢老板为我准备生日蛋糕，多谢各位兄弟姊妹陪我切蛋糕，好开心成为英皇嘅一份子，真系好似个大家庭，超级感动！仲有要多谢Kenny、Michelle同Gladys之前向老板表达咗我锺意wakesurf，老板就二话不说买咗一只专业比赛用嘅wakesurf船俾我哋玩，真是超级好老板，咁样嘅老板去边度搵！」问到生日愿望，家怡就话：「当然系疫情快啲过去，大家都健康平安，工作顺利！」

黎骏及老板杨受成跟周家怡庆生。

仲有同门嘅Kenny、卫诗雅及陈国邦。

周家怡有得玩水又有得食。

Kenny表示老板为他们买船绝对喜出望外，「冇谂到老板因为我哋一句话锺意玩wakesurf，唔够一个礼拜，佢就话畀我哋听买咗架新船，仲要系full option，即系最高规格要嚟比赛嘅船，好感动。佢仲话：『你哋开心嘅话，啲钱就使得好值。』」一众艺人当中，以Kenny技术最强，当日他除了负责买板、买gear，上到船更充当教练，负责指导师弟师妹，「佢哋都好有天份，特别系Michelle都帮我做埋助教。」不过Michelle就谦称自己唔叻，「Kenny先系我哋嘅师傅，我之后负责揸船，因为我系唯一有船牌。」

关SIR好有型。

Michelle系当日嘅助教。

至于寿星女家怡虽然在陆地上有「女车神」之称，但出到海便发生不少虾碌事，Kenny大爆，「佢开头虽然跌咗好多次，但好坚持继续，后来好似想放弃，不过我哋唔肯俾佢上水：『你一定要放到绳行到为止！』最后喺我哋强迫之下终于完成咗呢件事，佢都话好开心冇遗憾咁上番架船，哈哈。」家怡就笑说：「寻日wakesurf跌咗好多次，跌到有挫败感，好在最终得到星级教练Kenny同Michelle指导，终于喺最后一次成功咗，可惜无片，哈哈！」