独家丨施匡翘曾确诊重视养生戒雪糕一次过考获车牌多一个搵食技能

2022-07-27 06:00

施匡翘(Zaina)推出新歌《My1stCar》，即「my first car」嘅缩写，原来亦系佢嘅写照，之前她一次过考获车牌，兼拥有人生第一架车，继唱歌、跳舞及教瑜伽外多门搵食技能！她大笑说：「𠵱家可以揸埋Uber，所以大家见到我唔使惊讶，记得畀5粒星呀。」采访：方骞平摄影：沈健程化妆、发型：Wingkee Makeup 形象：Janae 陈灏而场地：Imini Partyroom

施匡翘再出跳舞歌《My1stCar》。

施匡翘新歌有科幻造型。

继去年初小试牛刀推出快歌《Stay》后，施匡翘再出跳舞歌，新歌《My1stCar》请来韩国团队Cheatkeys及CobiCudi作曲，T-Rexx 填词，由于加入咗韩风，感觉好新鲜，她亦愈嚟愈爱上跳舞。

𠵱家Zaina最大娱乐系放狗。

新歌《My1stCar》MV都有晒纤腰及长腿。

唔介意泳衣亮相

新歌MV造型都好特别，其中一个加入外星人元素，带点科幻。她坦言唔想局限斯文形象，唔介意晒腰及腿，最重要感觉健康。问到着泳衣又如何？她坚持如果拍戏时合情合理都冇问题。原来之前她一次过考到车牌，不过，Zaina强调考牌时正值冬天，全身包到实，再戴埋口罩，绝对冇「色诱」考牌官！

她认为剧情合理，著一件头泳装演出冇问题。

去年推出快歌《Stay》，MV造型都有突破性。

𠵱家Zaina愈来愈重视健康，尤其两年前确诊新冠肺炎后更加留意养生：「疫情唔稳定，身体健康最重要，以前会食生冷嘢，锺意食雪糕，𠵱家反而少食，会饮红枣水及姜茶，跳吓舞及做吓按摩，睡眠质素都好咗，女仔要讲养生嘛。」由于新冠肺炎康复者可打少一针，施匡翘还未打第3针：「如果有需要咪打，我愿意配合防疫，反正打咗又冇乜唔舒服。」