720放榜日丨群星齐为DSE考生打气 魏浚笙 冯允谦 张继聪送祝福

「720」是应届DSE放榜大日子，成绩在望，希望一众考生可以放松心情去迎接结果，《星岛娱乐》搵来多位人气偶像包括魏浚笙、JW及冯允谦等，为各位等放榜的DSE考生打气，鼓励大家轻松面对DSE放榜！

魏浚笙：无论考成点都好，放松接受呢个后果，总有一日会更好，加油！

袁澧林：好好发掘吓自己想做啲咩同埋对咩有兴趣，祝福你哋！

JW王灏儿：大家唔需要太紧张，尽咗你所能已经得，因为成绩唔代表一切。

冯允谦：戥你哋开心都戥你哋紧张，主要平常心，你尽晒力，that's only thing the matters，wish你哋有good luck，加油呀！

连诗雅：就算考得唔好都唔紧要，都总会有出路嘅，最紧要就系放松心情。

张继聪；绝对唔系人生嘅成功或者失败，应该要喺今次成绩汲取教训、检讨自己，继续好好计划自己嘅将来，祝大家有健康快乐同理想嘅前程。

陈自瑶：无论结果点都好，呢个只不过系人生一个阶段同过程。

陈敏之：知道你哋辛苦一定有价值，一定会有好好成绩，所以放松心情好好期待你哋嘅成绩表。

郑俊弘：各位同学仔，加油！但千祈唔好畀咁大压力畀自己，其实自己做到最好咁就OK喇，加油呀！

朱智贤：各位DSE嘅同学仔，考得唔好都唔使灰心，因为想当年嘅我会考成绩都唔系太好，我系repeat咗一年，最好都系努力大学毕业。考得好嘅同学仔就继续努力！

余香凝：DSE同学仔加油，唔使紧张，个天一定会畀一条最好嘅路你。

余香凝。

麦美恩：成绩无咁好嘅同学仔唔使灰心，因为行行出状元，见到我呢个古装就有希望呀！

萧正楠：希望大家放松心情去迎接成绩，攞到成绩之后点都好，高分又好低分又好都唔好放弃，继续去搵自己锺意嘅嘢去自己有兴趣嘅嘢发展。

黎诺懿：7月20号就放榜喇，考得好嘅当然值得恭喜啦，考得唔好嘅千祈唔好灰心呀，因为有好多出路嘅。

罗子溢：攞到好成绩嘅同学仔，我喺度恭喜你！如果成绩未如理想嘅同学呢，千祈唔好放弃，再接再励，嚟紧会有更好嘅未来等紧你。

关心妍：知道你哋会好紧张，或者唔知成绩会系点，唔紧要！呢度，关家姐同你打气，加油！

星岛新闻集团庆回归25周年专题网站，请即浏览 

立即下载 | 全新《星岛头条》APP : https://bit.ly/3yLrgYZ