独家丨庞景峰激嬲女友快速𠱁返 带埋狗仔兔兔行街

31岁的庞景峰(Andrew)入行好耐，但要你讲佢拍过乜做过乜，估计除咗佢阿妈郭秀云，应该冇人讲得出，但提到佢啲花边新闻，大家应该好有印象，例如交过好多女朋友同埋改姓。家阵Andrew同拍拖1年半嘅网红女友Hailey经常出双入对，孖住出活动，出PO都会见到一家「三口」，即佢同女友及柴犬「梳打」，之前就见到佢哋一家人加埋兔兔去咗铜锣湾，当日男方仲激嬲女友𠻹。采访:娱乐组

一家四口合照，留意女友大髀上嘅兔兔同埋好似望住记者镜头嘅狗狗。

去年8月，Andrew曾推出三首自编自导自演嘅MV，制作费更高达7位数，当时佢仲透露筹备紧一部动作大电影，佢好有心呀，希望令香港的动作电影更上一层楼，香港电影业真系好彩有佢咋。

女友好易𠱁
日前傍晚，Andrew同女友现身利园一期，当时地下有宠物用品展览，仲喺一角设位置供主人及宠物影靓相，Andrew同女友坐喺长椅，「梳打」就坐喺旁边嘅宠物位，驻场摄影师影完，Andrew交出手电畀工作人员帮佢哋影，然后轮到Andrew帮女友影，望真啲，原来女友仲抱咗只兔兔出嚟，由于同佢件衫撞晒色，所以发现唔到。影完相，Andrew抱住狗狗及拖住女友去景隆街买兔仔粮，两人入咗间宠物用品店放低兔兔再行咗一阵，Andrew同女友疑似嘈咗两句，女方行离店铺，Andrew即步出再绕实女友手𠱁返，之后喺附近行咗阵再返回宠物用品店拎返兔兔先Call车离开。

Andrew帮抱住兔兔嘅女友影靓相。

Andrew抱住狗狗同拖住女友行去景隆街。

两人喺宠物店行顺便放兔兔。

Andrew望住嬲猪离开嘅女友。

Andrew绕住女友手手𠱁番。

本来女友拎住兔仔粮，Andrew主动帮手拎。

Andrew之前拖住做完运动嘅女友去放狗。

男方IG有好多两人一狗嘅温馨相。

 

星岛新闻集团庆回归25周年专题网站，请即浏览

立即下载 | 全新《星岛头条》APP : https://bit.ly/3yLrgYZ