独家丨Zolarwind坚持信念赞Paco系好老板 出新歌结合港漫制成MV及特刊

Zolarwind 2.0喺疫情下冇放弃过出歌，继去年推出「西人三部曲」系列后，最近再出新歌《我和成长了的我对话》，更由漫画家梁伟家将4子及经理人黄柏高(Paco)结合港漫，拍成MV及制成《歌曲漫画纪念特刊》。漫画中嘅Paco恶形恶相，艺深话唔怕佢会嬲，仲强调「Paco系个好老板。」采访：方骞平 摄影：沈健程

艺深(左1)、Tommy(右1)、阿冠(后左1)、波子(后右1)对唱歌好有热诚。

四人乐队ZW新歌《我和成长了的我对话》由火火填词、成员Tommy作曲，歌曲主要系唱出要寻回失去嘅重要价值，由于表达自己嘅心态，Tommy用咗冲凉嘅半个小时完成作品。 

ZW唔觉得𠵱家做音乐好悲哀。

疫情下冇收入都坚持
漫画家梁伟家边画边感受及唱返自己的故事：「𠵱家港漫得返啲武侠打斗题材，同以前好唔同，好难有生存空间。」问到4子最后悔失去咗啲乜？艺深认真谂紧，自言自语时：「呢啲每个人都有…」队友阿冠、Tommy、波子你一句我一句，狂笑艺深失去咗青春及头发，但得到体重！波子坦言呢几年冇晒嘢做，失去咗好多钱！

港漫画家梁伟家(后左1)为4子新歌画成港漫，制作MV及纪念特刊。

艺深被队友取笑他失去咗青春及头发，但得到体重！

艺深又指对音乐的理想仍然不变：「疫情下就算冇乜收入都要坚持，今次最悭都用咗接近6位数字出歌，好彩班兄弟个个都有生产力，自己剪片、编曲及自己录音可以减低成本，支出由我同Paco负担，佢哋就付出时间及Talent。」阿冠唔觉得𠵱家做音乐好悲哀：「悲哀就各散东西啦，但要多少少回报，就要放多啲心机去做，真系好攰。」艺深坚称同Paco都系有信念嘅人：「要用乐观积极心态，至少𠵱家行啱咗方向，唔做一定会冇。」

漫画化的4子及Paco，Paco仲有啲恶形恶相。

4子好感激Paco出钱出力支持佢哋。

ZW去年推出「西人三部曲」系列，其中一首歌为《马骝戏》。

 

4子知道出歌唔易，所以努力去做宣传。

波子同轩仔都系音乐人，所以好老友。

星岛新闻集团庆回归25周年专题网站，请即浏览

立即下载 | 全新《星岛头条》APP : https://bit.ly/3yLrgYZ