蔡一杰搵林德信教高温瑜伽 半裸湿晒身玩到声都沙埋

草蜢将会开演唱会，一向有做开Gym嘅蔡一杰自觉做Gym做得太多，想做瑜伽拉返松啲筋，咁要搵瑜伽导师，当然就系搵林德信(Alex)，今次仲系玩高温瑜伽。
 

蔡一杰上载咗两条片到IG，上集中嘅杰仔仲有着衫，又预告一阵会除衫，但林德信已经除咗，片段中可见同场有好多同学仔，有男有女仲有外籍人士。话咁快下集登场，两位男士除晒衫又面红红，杰仔把声都沙埋，佢话玩到全身湿晒，因为玩嗰阵有41度，就算玩完个场都有33度，热到除衫就系咁解。
 

有好多同学仔一齐玩。

杰仔预告下集片段会除衫。

无错，杰仔除咗嘞。

 

最后广告环节，杰仔话林德信系魔鬼教练，但好帮得手，仲话大家想玩瑜伽，就要搵LAM仔即系ALEX，临尾仲提多次要大家留意佢嘅IG，以为睇紧宣传易添。

 

林德信有十几年教瑜伽经验。

 

 

星岛新闻集团庆回归25周年专题网站，请即浏览

立即下载 | 全新《星岛头条》APP : https://bit.ly/3yLrgYZ