忠实Fans许冠杰包场睇《猫王》许怀欣好感动：猫王影响我哋全家

2022-06-29 20:30

由殿堂级导演巴兹雷曼（Baz Luhrmann）执导，美剧《从前，有个荷里活》新一代男神奥斯汀毕拿（Austin Butler），联同奥斯卡影帝汤汉斯（Tom Hanks）主演的《猫王》（Elvis）刚上映，作为「猫王」忠实Fans的歌神许冠杰特别包场同许冠文、儿子许怀欣及友人齐睇戏，更在电影海报前除口罩影相留念，73岁的歌神精神好好，笑容依然咁亲切。

歌神好好精神。

歌神包场同亲人一齐睇戏。

许怀欣散场后表示：「猫王对我哋嘅家庭有好大影响，爸爸同叔叔喺后生时学弹佢嘅歌。所以当我开始学弹结他时，又会学同样嘅歌。」因为由细听到大，许氏一家对猫王的历史非常熟悉，不过就从未喺佢经理人角度睇呢位殿堂级世界巨星。「我认为奥斯汀毕拿演猫王及汤汉斯的上校做得好好，过去我哋见过好多猫王嘅模仿者，电影《猫王》的剪辑非常好，非常鼓舞人心！」