张慧仪「回春」靓晒搵男人随缘拍广告要阿仔批准

2022-06-29 06:00

51岁的张慧仪成为美容品牌代言人，使用产品后成功「减慢皮肤老化」，近日她为品牌拍摄电视广告，为隆重其事举行首映礼见证逆转肌龄时刻，大会更邀请蔡宛珊担任大会司仪。

张慧仪状态一流。

久未露面的张慧仪坦言，要囝囝张晃维（Hanson）「批准」方可出席活动，更被对方叮嘱要做足「安全措施」：「佢唔系怕我太性感，佢系怕人多易病，叫我唔好除口罩、勤洗手！可能我有事就会传染畀佢，搞到佢都冇得返学，见佢咁有上进心，做亚妈都好安慰嘅。」

张慧仪同养子张晃维（Hanson）。

张慧仪做代言人之外亦忙于拍摄工作，重投剧组感到好兴奋：「其实我一直都有拍摄工作，只系受到疫情影响，少咗好多外地拍摄机会，之前要隔离十几日，咁都会心挂挂个仔，唔敢走太远。现时隔离日数都少咗，咁开始接洽啲电影，最好返大马拍摄，咁我就可以顺便探吓屋企人，因为太耐未见过佢地。」慧仪拒透露今次做代言人费用，笑言「回春」无价：「咁睇落后生啲都好呀，大把角色畀我发挥！（『回春』后想搵个伴？）唔敢谂呢啲嘢啦，一切随缘，总之而家靓咗春风满面。」