独家丨孙慧雪拣平价衫拣到忘我有米老公有耐性又够细心

2022-06-27 07:00

39岁的孙慧雪（阿雪）近年除了拍戏及做主持外，还涉足食品生意，忙工作之馀，亦要凑仔兼顾家庭，但佢冇忽略有米老公Edwin。日前阿雪同结婚6年的老公拍拖行街，Edwin耐心陪老婆买衫，虽然未有亲密举动，但不时有倾有讲，尽显夫妻默契。

采访：娱乐组

阿雪跟其他女士一样，拣衫手起刀落，相当快手。

虽然嫁了有米老公，但孙慧雪却不介意行亲民价时装店。

当日傍晚时份见孙慧雪和老公在连锁时装店睇衫，虽然老公是有米富二代，自己工作也愈来愈多，不过阿雪唔去名牌时装店，反而拣亲民价的时装品牌，见佢跟其他女士一齐左拣右拣，试过同一时间手上拎有10件，睇嚟好多衫都好啱心水。

老公好体贴

虽然老婆专心拣衫，但难得Edwin未有嫌闷，唔会似其他男士挂住揿电话，反而企喺孙慧雪身边，除了帮佢拎衫之外，又会畀意见，全程有倾有讲，难得阿雪又会听老公话，老公皱眉就放低。最后经老公scan过后，孙慧雪仍买了一大袋战利品，更不用老公帮手，双手揽住一大袋靓衫跟Edwin并肩而行，沿途两人边行边讲，争取时间window shopping，最后登车离开。