龚柯允回乡探亲兼拍MV心情治愈 关嘉敏难忘儿时艳遇

关嘉敏及龚柯允（Karen）为网上旅游节目担任嘉宾，大谈旅行时候遇到的趣事。刚从家乡马来西亚回来的Karen表示：「今次回乡真系好开心，因为太耐无见屋企人，同埋可以喺好多靓嘅地方拍咗3首歌嘅MV，仲邀请到有『翻版彭于晏』之称嘅演员做男主角。」

问到有否心动感觉？Karen说：「咁又无，虽然佢真系好靓仔又好大只仔，但我锺情香港小肥仔多啲，又细心啲。同埋今次去咗几个零污染小岛，真系好兴奋，日日喺水清沙幼蓝天白云嘅地方，真系好治愈心情，今次叉满电返嚟好好拚搏，嚟紧会有两首新歌，希望可以带啲新鲜感畀大家。」

 

关嘉敏（右）及龚柯允（左）均表示较喜欢香港男仔。

 

最近忙于拍剧的关嘉敏，大方分享旅行艳遇：「细个有跟学校去英国游学团，系我第一次出国真系超兴奋，咁啱系我差唔多生日时间，同团有个意大利朋友仔亲手整咗个蛋糕送畀我，印象好深刻，唔系因为佢靓仔，系因为个蛋糕系我锺意嘅Pizza味。呢次游学团都好难忘，可能日日都食薯条嘅关系，最后我返香港重咗5KG，真系超难忘。」被问到锺情外国人吗？她坦言较喜欢香港男仔，因为会明白她的冷笑话，以及闹交都不会鸡同鸭讲。

 

正在拍摄两部TVB剧的关嘉敏，搞到大腿都花晒。

 

星岛新闻集团庆回归25周年专题网站，请即浏览

立即下载 | 全新《星岛头条》APP : https://bit.ly/3yLrgYZ