古巨基欣赏后辈主动邀请合唱 Edan拍MV终体会「前夫」感受

2022-06-23 09:00

多年没出唱片的古巨基，昨日（22日）推出《I Really Love To Sing》合唱专辑第一炮，请来MIRROR的吕爵安（Edan）合唱《飘流教室》打头阵，他坦言：「《飘》当年冇被安排成为主打，所以好想搵一个心仪嘅人一齐唱呢首歌。今次新编曲好classy，配古典钢琴，上次睇MIRROR骚，对Edan钢琴自弹自唱印象好深，觉得非佢莫属。」Edan则受宠若惊，他谓：「真系好开心，当初好记得花姐（经理人黄慧君）同我讲：『喂！古生话想搵你合唱喎，你肯唔肯呀？』哗！梗系好啦！因为未试过同一个大前辈合作，同埋我细个都有听古Sir啲歌，所以觉得呢件事系好神奇！」Edan又表示录音期间获益不少：「古Sir每次都会嚟监制我录音，畀咗我好多指导，令我对唱歌多咗好多想法。古Sir真系好贴心，任何事都好乐意教我、帮我，好多谢佢！」

古巨基跟Edan及Natalie合作愉快。

基仔亦对Edna赞不绝口：「我记得佢话知道自己唱歌未必系最好，所以只要有其他唔同嘅机会，佢一定会好愿意同埋畀心机去试！佢系一个好谦虚、好勤力嘅艺人。喺录音过程里面，我发现Edan喺假音上系好好，拥有一把好靓好滑溜嘅假音。」

Edan自弹自唱，令基仔留下深刻印象。

MV中Edan和Natalie扮演小情侣。

两人扮学生，毫无违和感。

此外，今次MV除了找来Edan兼任男主角外，女主角请来80年代女神柏安妮的17岁女儿、新进女演员许恩怡（Natalie）担任，MV其中一幕讲述Edan与心仪的Natalie去基仔的新碟签名会，Edan笑说：「今次感受到『前夫』嘅感觉，即系陪个女仔去见佢嘅偶像。」而基仔则觉得这个MV很有穿越感，「MV呢幕讲番2012年《告别我的恋人们》呢一只碟出嘅时候，我特登整番当时个发型，连件褛都系搵番当时宣传嗰件褛，仲着得落，即系冇肥到！」