独家丨邓月平靠中医生意补贴音乐支出艺术无价投资6位数出新歌MV

2022-06-14 07:00

邓月平（Larine）近年自资成立工作室，最近仲推出新歌《夜》，唱出喺疫情下嘅孤寂及无力感。第5波疫情对Larine工作有影响，不过她坚持香港呢刻需要一首慢歌，畀大家可以抒发吓心情，她更耗资6位数字制作MV，认为艺术系无价，冇得计较。采访：方骞平

Larine坚持艺术系无价，冇得用钱嚟衡量。

邓月平坚持艺术无价。

24岁嘅邓月平以独立歌手身份勇闯乐坛，有感于疫情期间，生活及工作上嘅改变令人迷失方向，尤以夜晚感觉更加强烈，负面情绪笼罩住世界，所以成为创作灵感，由她作曲及有份选歌词。不过她强调不是放负：「因为后段歌曲歌词有句『风掠过，渐忘我，就如我，变星火』，歌词其实系由唔好到好嘅美好蜕变，呢啲『孤独病』应该得到好多人嘅共鸣。」

近年Larine以独立歌手身份进军乐坛。

24岁嘅Larine有样又有靓身材。

乜都计钱就失去意义
《夜》耗资6位数字制作MV，更请嚟老友林耀声做男主角。为咗唯美，除咗换上多个造型，更租用制雪机营造落雪效果，Larine身穿露肩皮裙喺雪中漫步，导演还加入悲伤嘅喊戏，镜头前嘅Larine喊到一发不可收拾，差啲窒息，相当投入。对于蚀住钱出歌，Larine坦言计钱就会失去意义：「喺香港做娱乐圈冇得计钱，吓吓去计算会迫死自己，艺术系最原始嘅嘢，唔可以忽略，尤其系年青人有责任话畀人知，做艺术一啲都唔戅居，为咗理想，只好喺经营嘅中医诊所收入度补贴做音乐嘅支出啦。」