陈卓贤预告演唱会前再有新歌面世为《Got U》兼做乐手

2022-06-13 16:00

MIRROR成员陈卓贤（Ian）于新歌《Got U》除了与T-Ma携手作曲外，歌词、编曲部份都参与甚多，除此之外，他更兼任乐手，实行向全能唱作人方位进发。今次是Ian首度与填词人T-Rexx合作，但原来二人的创作过程，多以英文歌作主导。Ian分享了今次《Got U》歌词部份的创作经过，说：「我平时听英文歌占好大比重，听到某只英文歌嘅歌词好啱《Got U》，就会成只歌Share俾T-Rexx，跟住佢就会用佢嘅方法，消化吓，再睇吓可唔可以转返做广东话歌词，放喺歌入面，《Got U》就有呢个元素喺入面。呢个系一个几得意嘅沟通方式，咁当然，我亦有话佢听想要乜嘢主题、感觉，但用唔同语言嘅歌曲嚟做reference（参考）都得意。」

Ian喺新歌《Got U》兼任乐手，实行向全能唱作人方位进发。

Ian刚庆祝29岁生日。

作曲方面，继《DWBF》及《搞不懂》后，Ian再次与T-Ma合作。有了上两次的经验，二人都十分了解对方的喜好，创作上亦有了一定的默契，因而成就了《Got U》的诞生。 Ian回忆道：「喺录紧《留一天与你喘息》时，我哋已经决定咗用《Got U》嘅旋律，然后我哋上网听下歌，听完我就有啲谂法，T-Ma就话『Try it』，跟住就递咗支结他畀我弹出嚟，录咗入电脑，然后佢再砌啲嘢上去。T-Ma系好厉害亦好擅长呢一类曲风，所以我哋好快就完成咗《Got U》嘅制作，呢首系几随心但唔轻率嘅作品，喺好自然环境下发生，然后有个Magic Moment促成呢个作品出现。」亦因为这次的忽然灵感到，Ian也多了编曲人的身份，在音乐路上的发展更见全面。

Ian透露，《Got U》过后《MIRROR.WE.ARE LIVE CONCERT 2022》之前，将会推出多一首个人作品，Ian说：「今年嘅第3首歌喺拍摄《Got U》MV期间已经开始录音，所以如无意外会喺演唱会前会有多一只歌出现。新歌系我好锺意嘅作品，写完新歌嗰日都几兴奋，返到屋企冲凉又听，临瞓前又听，我好期待，希望大家都期待。」Ian表示，新歌跟《留一天与你喘息》及《Got U》截然不同，除了作曲以外，他亦有参与填词及其他部份，但详情将会稍后慢慢揭晓。