乔宝宝唔准娶香港女仔重亲情阿妈留身边唔送入老人院

2022-06-12 07:00

乔宝宝是香港首位南亚裔全职艺人，两年前，因儿子的健康问题，放下香港的工作移居苏格兰。乔宝宝接受港台《旧日的足迹》访问，说一直记挂香港：「苏格兰亲戚多，香港朋友多，气氛都唔同。我好挂住女人街同庙街嘅街头美食，好似笃鱼蛋同丝袜奶茶。喺呢边好少遇上华人，要睇中文电视就要买盒仔，我希望我个孙学多啲广东话。」他希望疫情尽快过去，可以返香港赚快钱，透露已打第4针，并形容自己是Superman：「我老婆同阿妈最近都中咗招，不过佢哋都打咗针。阿妈80 几岁打咗3针，好快好返。」

孝顺仔乔宝宝早前带妈妈去加拿大，有说长者易受感染，他却认为已接种疫苗无需害怕，最重要多带妈妈四处走动，开阔眼界，让她开心。「我哋南亚裔人唔会将爸爸妈妈送入老人院，一定陪伴喺身边。有时老婆唔喺屋企，老妈要冲凉、换衫、梳洗等，我都会做。我希望（自己）仔女见到会有样学样。潮流会变，但亲情唔会变！」

乔宝宝同乔嫂嫂结婚多年都好恩爱。

乔宝宝话阿妈唔准佢娶香港女仔，最后唔拣千万富婆，拣咗身边呢位。

乔宝宝一向都好孝顺，经常都陪阿妈饮茶。

咁大个，但喺妈妈眼中都系BB。

娶老婆3拣1

乔宝宝自言是个易满足的人，没甚么宏大目标，只希望自己有能力帮助别人。刚满52岁的乔宝宝，正处于半退休状态，最想拍一套关于自己人生的正能量电影。乔宝宝人生中的重要人物非太太莫属。原来他中四时为了拍拖将头顶上的发髻剪掉，那把长及膝的头发也没有留下来，把妈妈气哭了。「因为唔识沟通，佢（妈妈）一直唔准我娶香港女仔。我 19 岁，佢畀三张女仔相我拣，有加拿大印度西施、英国印度西施、印度嘅印度西施。第一个系千万富婆，不过已经有细路，我麻麻哋（锺意）。第二个系百万富婆，但佢嘅体型同我差唔多，我惊洞房时会砸亲我。第三个就系而家嘅乔嫂嫂，佢家族同我哋差唔多，拥有16 个大球场嘅土地。阿妈算盘打得响，照传统婚礼全由女家负责开支，我又唔贪钱嘅，哈哈哈！佢大我四年，个样唔错，系大学生，而我只系中学生。我结婚带住乜嘢去？带咗套西装同牙刷罗！」

乔宝宝话要教孙仔讲多啲广东话。

四代同堂。

大家认识乔宝宝全因他于2005 年参加电视节目《残酷一叮》，成为第一代「叮王」。他回想当年参与第一次节目即被评判谢霆锋「叮走」，幸好其后入围，最终更得到第二名。「我当时喺惩教处工作，要押啲犯人去法庭，啲犯成日都话『你锁我啦，我要比乔宝宝锁』，真系唔知好嬲定好笑。」成为「叮王」后，他还分享了一段与前特首曾荫权于地铁的奇遇。

乔宝宝在香港出生，已认定自己是香港人。「我希望逆境好快过去，永远要正面去睇人生。人有三衰六旺，点解一定要将注意力集中喺衰嗰方面？无嘢系无可能，勤力啲，回报可能喺今日、听日或者后日，我相信回报一定会嚟！」