独家丨Phoebus自爆搞到耳仔红《冥冥之中》跟陈嘉倩揽揽锡锡

2022-06-10 08:01

Phoebus虽然并非首次演戏，但自问经验不多，所以开拍该剧前跟嘉倩上堂恶补，问他是那种班？他即搞笑话：「幼儿教育，哈哈！我喺《太平纹身店》好似经过咗咁，《冥冥之中》先至系真正接触戏剧。」虽然已做了前期准备，但到开拍两人仍觉困难。嘉倩说：「密集式咁拍要keep到个精神状况，清楚自己做紧乜嘢，投入角色情绪去到咩位，仲揣摩同学习紧。」Phoebus就认为跳拍时序要拿捏情绪不容易，「可能啱啱拍完喊得好犀利，转头又要好开心。」

拍过几套剧都演正面角色的Phoebus，最恨演奸角。

嘉倩想挑战不同类型角色，要剪短发扮麻甩都冇问题。

初尝做人父母

不过讲到最难演绎，就是他们要初尝做人父母。嘉倩说：「我要同时兼顾两样，因为要扮大肚啲动作，又要谂对住个仔嘅母爱应该系点样，演时系有压力。」Phoebus亦一样，「其实到𠵱家都未接受到自己做咗爸爸，如果搵个两、三岁嘅小朋友代入感会强啲，但我嗰个仔一嚟已经大过我，仲要对住佢说教，真系好神奇。」

Phoebus和嘉倩在剧中，有多个时空都有感情戏。

相对于演爸爸，Phoebus演栢天男囝囝轻松得多。

剧中两人有亲密戏份，他们笑言希望对方粉丝不要介意，Phoebus说：「剧情需要，大家要明白，哈哈！」嘉倩再补充，「我哋真系蜻蜓点水嘅，佢又好纯真，我又好cool，唔会好表达自己嘅爱。」讲到拍摄情况，Phoebus突然自爆俾嘉倩搞到耳仔红，但最搞笑是嘉倩完全唔发觉，Phoebus说：「我唔系好显露到出嚟，因为仲拍紧嘛！嗰场喺医院，拍咗我好多take，有啲身体接触，我真系唔专业！」嘉倩终于记起，「系咪我揽住你？因为我要多谢佢嚟探病。」揽揽都搞到耳仔红，问Phoebus下次跟女拍档有更亲密戏点算好？他无奈话：「咁都冇办法，控制唔到。」