丁子高酒店遇奇怪买袜救护人员洪永城都试过网民忧被落降头

2022-06-09 15:00

丁子高日前于IG出Po分享奇怪经历，称自己于湾仔某酒店去完洗手间出嚟，有位目测约50岁的满头白发中年男士，询问丁子高可否把穿紧对袜给他，当下丁子高已经感到奇怪，「佢同我讲佢系救护队人员需要完整嘅制服先可以返工，佢话完整制服系唔可以着黑色袜，而佢正正着住对黑色嘅袜，但系佢又要急住上白车开工，所以问我可唔可以畀对袜佢。」丁子高见对方好焦急，又出示证件证明自己系救护人员，仲想畀500蚊丁子高，但他没有收取金钱就将着紧嗰对浅啡色运动袜给对方，事后返到屋企谂返就觉得好似怪怪哋，更询问有冇人遇过类似的事。

丁子高于IG分享奇遇。

唔少网民话遇过类似事件。

JW的朋友都试过。

谁不知除了有网民表示遇过同样的事，就连梁诺妍都Tag老公洪永城，丁子高都惊讶有不少人都遇过如此怪事，洪永城更表示：「一模一样，袜、地点、原因、金钱…好难想像嗰个人屋企有几多对袜。」有网民就提醒不要随便把身上的贴身物品给陌生人，随时有机会被落降头，吓亲丁子高，不过都有网民安慰表示：「帮到人做好事就唔好乱谂啦！」