独家丨毛俊辉继承仙姐将粤剧发扬光大展开三年剧艺研创计划

2022-06-07 07:00

「戏剧大师」毛俊辉得到政府与赛马会支持，展开了为期3年的《赛马会毛俊辉剧艺研创计划》，将研究与创作结合，培育新一代嘅创作人才。75岁嘅毛Sir自细就系戏迷，偶像是仙姐(白雪仙)，大赞对方唔止戏做得好，仲亲自培育好多新一代粤剧演员，直至近年仍然落场做指导，好佩服她对艺术嘅追求。采访：方骞平摄影：沈健程场地：祟正中学

毛Sir指剧艺研创计划以研究为主，不会开班教学。

毛Sir同老婆胡美仪捧仙姐场。

在上海出生嘅毛俊辉从小与粤剧结缘：「由于父母都系戏迷，从小就跟双亲睇好多戏曲及广东粤剧，自己都好锺意表演。到咗10岁随父母移居香港，校方曾向我父母提议，话可以做我监护人，等我留喺度继续求学，直至12岁安排我上戏曲学校受训，当时我咁细梗系唔舍得离开父母啦！估唔到今时今日返到粤剧舞台，系一个缘份。」

小时候毛Sir被上海戏曲学校睇中，想重点培训他。

毛Sir同戏曲及粤剧好有渊源。

做到粤剧产业化发展

毛Sir发起嘅《赛马会毛俊辉剧艺研创计划》最大理想做到粤剧产业化发展，要做到大家非看不可，要系人都想睇，而唔系程式化去做一出戏，去模仿旧嗰套：「𠵱家演出系停留喺原有阶段及层次，所以做嚟做去都系唐涤生戏宝《帝女花》、《紫钗记》、《再世红梅记》…咁样重覆前人做嘅嘢唔会发展到落去。」

毛Sir希望做到粤剧产业化发展。

向来低调嘅刘青云及郭蔼明都去捧毛Sir场。

刘嘉玲、梁家辉和谢君豪曾主演由毛Sir执导嘅舞台剧《杜老志》。

提到粤剧偶像，毛Sir都系仙姐迷：「讲表演，其实仙姐好早已经了解到表演系需要好多层次，而非局限程式上。当佢退落嚟唔做戏时，佢就教导下一代点样去搵呢啲嘢，呢啲系最有价值嘅嘢。」问到这3年计划可会搵仙姐合作？他即笑说：「我唔敢打扰佢呀！日后有机会我都会向佢汇报，希望佢可以开心，我会继承佢嘅追求及理想，喺我能力做到嘅嘢去努力。」