独家丨张沛乐单身劲Free泰国狂晒33E 为头炮旅游节目搏到尽

2022-06-02 07:00

33E性感女神张沛乐（沙律）带同10套性感泳衣「胸」降泰国曼谷，帮已加盟余咏珊「好好制作」的前TVB金牌监制张志明，拍摄于开电视播出的旅游节目《重新出发》。《头报日报》为读者谋福利，率先取得沙律在当地拍摄的三点式喷血性感靓相，见她轻挨喺池畔享受日光浴，深长事业线加嘴唇微张，完全系醒神妙品！两年半冇去过泰国嘅沙律好兴奋，「真系好似中咗头奖咁开心！」采访：方骞平

沙律拥有33E澎湃上围及白滑香肩，一出道已成「巴打女神」。

水中沙律轻托香腮，睇佢几鬼靓。

疫情缓和，旅游节目《重新出发》将于7月18日至9月30日在香港开电视77台播出，已成日本人妻嘅前无綫艺员陈约临将拍摄日本篇；近年返新加坡发展嘅张振朗旧爱陈芷尤，跟刘芷希齐推介狮城和大马；韩国及澳洲分别由郑金铃及袁学谦上阵；许绰婷拍台湾篇；至于沙律被钦点演出泰国篇，她会走访泰国曼谷多地，寻觅吃喝玩乐嘅好地方，介绍当地又平又叹嘅Spa，由于芭堤雅有刺激好玩嘅水上活动，所以沙律预先张扬会玩泳衣放题，出发前更特意找营养师帮助减磅。

张沛乐上周兴奋地出发到泰国。

沙律公开叹土耳其浴嘅靓相，呢个角度望真系瘦咗好多。

沙律大晒长腿加回眸微笑，杀死人。

沙律好锺意泰国民族服装，今次终一偿所愿。

沙律有机会画吓画，展现艺术天份。

配合要求性感冇底线
沙律不论喺事业及感情方面都回复自由身，年初跟保锜分手后，4月份主动要求跟ViuTV解约，决定「重新出发」！沙律为咗打响喺新地盘嘅头炮旅游节目，一到埗就急不及待换上黄色三点式泳衣落水，大晒超Deep事业线，简直系人间「胸」器，另外，又于蓝天白云下大摆甫士，33E、23.5、34.5浮凸身形，之前喺ViuTV完全睇唔到。今次沙律成为《重新出发》嘅秘密武器，问到系咪性感冇底线？她大笑说：「都系配合导演要求，做好沟通！」至于𠵱家减到110磅，系咪对身材好满意呢？沙律轻松跳过问题：「其实已经冇乜深究自己外表上嘅好同坏，我觉得认真去玩，做好拍摄嘅最佳状态已经系最吸引！」

沙律好耐冇去旅行，一到埗已急不及待换泳衣晒太阳。

今年初跟保锜分手，两人再见不是朋友。

跟保锜分手后，沙律即离开ViuTV拍摄香港开电视节目《疫境中的餐桌》。

观众有去旅行嘅感觉
沙律强调节目重点唔系佢身材，系要肩负一个重要任务：「因为疫情下好多人都去唔到旅行，呢次要令观众有去旅行嘅感觉。」两年半冇外游的沙律去过泰国，但今次感觉就特别兴奋，除咗有得去玩，仲有好多惊喜。「主要都系拍摄经历疫情嘅泰国有乜转变，沿途上都感恩拍摄团队好有爱咁做每一件事，大家都好开心。」