独家丨林希灵 陈安立拍住上搵钱 年底结婚帮练美娟罗天宇做媒

去年尾，前《东张西望》「正义女神」林希灵(Agnes)离开工作咗7年嘅TVB，目前签咗经理人以自由身嚟接Job。Agnes将于年尾下嫁ViuTV型男陈安立（Brian），广告商急不及待搵两人拍住上，Brian仲话两人都想生B，放声气话可以接埋小朋友job，Agnes就想一齐拍旅游节目，总之两人合体，商机无限。采访：方骞平 摄影：沈健程 场地：THE STADIUM@观塘

两人年底搞「佛系」婚宴。

Brian承诺会努力畀Agnes有更好嘅生活。

Agnes将于年尾下嫁ViuTV型男陈安立（Brian）。

33岁林希灵因主持《东张西望》的「聋哑女」事件获封为「正义女神」，网民见佢出心出力系咁畀Like。不过，Agnes都决定外闯，试吓不同工作：「其实好感恩做《东张》可以训练到胆色，除咗「聋哑女美华」事件，之前采访老鼠、曱甴屋，甚至试过被精神有异嘅人拉出门口，坦白我真系搞唔掂，紧张到出晒手汗，成个咪都湿晒，好难忘，仲有次做卧底扮乘客登船被揭发，滞留岛上冇船家肯我哋接走。」Brian坦言欣赏Agnes够胆硬著头皮挑战自己，但都会担心她安危。𠵱家Agnes接咗港台及开电视节目，都想同未婚夫一齐做吓主持，寓工作于拍拖，拍剧都有兴趣。

因主持《东张西望》「聋哑女」事件，Agnes获封「正义女神」。

赞好罗天宇人品

另外，提到筹备中嘅午间婚宴，Agnes形容会好「佛系」，因为接近圣诞节，笑言会加入火鸡等应节食材，一对新人要求由头食到尾，所有亲友轻轻松松Enjoy Party，Brian自爆会帮单身朋友招募另一半，Agnes笑说：「到时会精心安排座位，如娟姐(练美娟)会同11位男士坐；罗天宇就坐去11个女仔嗰枱。」Brian大赞天字既老实又善良，希望佢搵到女神。

今年4月初，Brian向Agnes求婚成功。

七师傅及练美娟等应该系两人婚宴嘅座上客。

 

罗天宇及许家杰系Brian波友。

 更多新冠疫情资讯，请到以下专页浏览(按此)  
立即下载 | 全新《星岛头条》APP : https://bit.ly/3yLrgYZ