邓丽欣拉埋轩仔公开寸方力申 COLLAR送酱汁篮似足老人院探访

2022-05-27 21:00

张敬轩昨晚（26日）在红馆举行第13场补场演唱会，他请来邓丽欣（Stephy）及女团COLLAR任嘉宾。轩仔介绍Stephy上台时指两人当年曾在电影《十分爱》有对手戏，他说：「你记唔记得其中有一幕，讲我想媾你，你坐喺个钢琴隔离，呆咗咁望住我，但系我睇唔到你对我有爱嘅眼神……你当时望惯咗另一个靓仔嘛。」Stephy摇着头接着说：「其实我觉得个剧情都唔系咁好啦，你一个咁有才华靓仔，我喺戏里面点解唔系拣你，拣咗阿力（方力申角色）嘅呢？剧情唔系好得。」轩仔即说：「戏外十几年后，你拣返我咪得罗！」观众即时大笑拍掌。

Stephy跟轩仔合唱《十分爱》。

当年《十分爱》中Stephy和方力申也是饰恋人。

Stephy向轩仔送上电影《饭戏攻心》的门票。

「安歌」环节，轩仔请来第二组嘉宾COLLAR，8位成员拿出一篮酱汁送给轩仔：「我哋祝你愈食愈好，作品愈嚟愈『高汁』，有啖好食。」轩仔收酱汁篮笑言：「你哋真系有老人家心，各位睇吓，依家啲后生，送礼好似去老人院探病咁，我呢位院友多谢咁多位义工，叔叔降番落去先，转头带你哋去睇金鱼。」继而COLLAR又跳又唱表演《Call my name》。