心脏病男婴「张保仔」离世父母忍痛道别：之后一定会再见

2022-05-19 12:54

现年1岁的男婴张允祈（张保仔），在出生时被发现患有先天性大血管移位（简称TGA，属先天性心脏病一种），随即安排接受手术却失败，当时医生估计他或许只有4个月命。他早前迎来一岁生日，然而其父母昨晚表示，张保仔已离世，并指「呢一刻说再见…之后我哋一定会再见」。

其父母昨晚在社交媒体发文指，张保仔在昨日凌晨3时多离世，又指半夜接到医院来电指希望两人尽快到病房，当时已心知不妙。帖文指，两人在进入病房时，保仔的情况已经甚差，又指早前曾向儿子表示，「想休息就休息，保爸妈唔会怪你，最紧要要等保爸妈一齐嚟到先休息，佢真系做到。」保仔在听到父母的声音后，即时有反应，心跳亦稍为上升。保仔父亲随后主动向医生表示，希望可以拥抱儿子，并指虽然早前已决定放弃治疗，但希望儿子在父母的怀中离开。

「张保仔！迈向伟大航道！」FB图片

帖文又指，「个仔真系好叻，佢遵守承诺，佢好乖咁撑到保爸妈嚟到」，又指没有后悔一直留在医院的留宿房，「因为真系好怕呢一刻赶唔切」，但指「唯一遗憾系我同保妈喺佢呢段最辛苦既时间，我哋唔喺佢身边…陪唔到佢…保仔…对唔住…」帖文续指，「保仔…你唔驶再辛苦，天父会好钖你，喺天家，无人再抽你痰，抽你鼻鼻，你唔再需要承受一个人孤零零喺病床无爸妈喺身边无人理你既时间，你可以自由自在咁去开眼仔。虽然你开眼未必再见到爸妈喺你身边，但我知道你已经变咗我哋最爱既小天使守护住保爸妈。你好叻咁遵守咗第一个承诺，记得我哋仲有个约定，你喺天家探完婆婆，玩够喇，就同天父讲，你要用健康既身体返嚟保爸妈身边。记住，我哋会等你返嚟！！保仔，我哋真系好爱好爱你…保仔…呢一刻说再见…之后我哋一定会再见。」