张敬轩破纪录四度安歌嘉宾Serrini后台High爆高唱：泰国捐精

2022-05-15 20:00

张敬轩红馆骚来到第五晚，每晚都二度、三度安歌，昨晚（14日）更破纪录四度返上舞台！疫情中开骚的轩仔自言这段期间学会要好好活着，把握在世上的时间、做自己喜欢的音乐：「我要将上帝俾我嘅使命好好去履行，我喺乐坛唔系纯粹要呃like，喺IG扮鬼扮马𠱁大家开心。我应该利用自己手头上得到嘅再分享俾人，呢个先系我价值！」他坦言做新人时曾被叫「嘉宾王」，因做过好多前辈演唱会嘉宾，才被更多人认识，所以都希望给予新人机会：「今晚嘉宾都系一位新人，我哋冇乜交集，但识咗好长时间，呢个咁有才华嘅女人，咁叻、咁有趣，令我流晒口水，希望将来音乐上有合作！」此人便是Serrini。

张敬轩做新人时曾被叫「嘉宾王」，现在亦希望多给机会新人。

轩仔自言喺疫情期间学会要好好活着，把握在世上嘅时间、做自己喜欢嘅音乐。

轩仔搞笑点评Serrini「战衣」：「咁似圣诞树？波波裙……我以为系小凤姐。」而Serrini则带了礼物送给轩仔，「我见人人都有礼物，不过我唔会送果酱嗰啲……呢个系一个钻石砌割嘅心形叶。」轩仔接过盆栽笑言：「我知呀，呢种叫多肉植物嘛！」Serrini答：「咪系我罗。多肉树树……你唔使淋咁多水，dry dry地就得。」轩仔即抵死接口：「dry dry地，咪似我？」

Serrini送盆栽做礼物。

Serrini 话见轩仔就好紧张，但返到后台就high爆跟住唱「泰国捐精」。

Serrini演唱完后，于后台听到轩仔的《樱花树下》音乐响起，抵死地说：「我又要『泰国捐精』！」然后当轩仔唱到「太过坚贞」一句时，她便自拍高唱「泰国捐精」，十分兴奋。问她在台上似乎好紧张，Serrini坦言：「真系唔知点解见到轩仔就紧张到不得了，想讲嘅说话都唔记得咗。」还透露和轩仔是由网友变朋友：「佢好早follow我，跟住咪网友罗。佢对朋友好好，而且佢听得明我啲无聊笑话。所以我哋好多嘢倾。我嘅第一次……红馆做嘉宾就俾咗佢，哈哈！」

当晚英皇集团主席杨受成、太太陆小曼、英皇集团副主席杨政龙、英皇娱乐集团行政总裁许佩斯及旗下一班艺人均有到场撑轩仔。