阿仪38岁生日收经理人1880蚊靓花 一早订蛋糕送畀自己

上周六（4月30日）系姜涛嘅23岁生日，当日喺铜锣湾有几墟冚都唔使再讲，FB同IG疯狂被洗版，一个偶像嘅生日变咗盛事，真系好夸张。

今日都有明星生日呀，咪就系「亚视一姐」阿仪罗，38岁嘅佢收到经理人送赠，价值$1880嘅气球鲜花，唔知点解阿仪会知价钱啦，知仲要讲出嚟都真系好怪，不过阿仪就系卖奇怪，都明嘅。

 

阿仪收到经理人送嘅花。

 

经理人林宝玉好照顾阿仪。

 

再碌阿仪IG，发觉佢4月23日已经订咗个一磅杂果蛋糕畀自己，取饼日期系4月30日，张单好彩写住要有字牌，仲要写住「Yingyi 38岁生日快乐」，唔系真系以为佢订嚟送畀姜涛呀，自己5月2日生日，但个蛋糕就早两日拎，阿仪可唔可以话我知点解呀?

 

阿仪喺4月23日已经订咗蛋糕畀自己。

 

4月30日蛋糕已经到手。

 

阿仪仲买咗个袋畀自己做生日礼物。

 

仲有呢条裙，好抵呀180蚊咋。

 

见网上有人为阿仪买咗灯箱广告，但完全冇人讲得出个广告喺咩位置，原来系改图，阿仪生日快乐呀，可唔可以唱生日歌畀你听呀？

 

虚拟贺寿灯箱。

 

更多第5波疫情资讯，请到以下专页浏览按此

立即下载 | 全新《星岛头条》APP : https://bit.ly/3yLrgYZ