冯允谦奉旨床上揽实Hillary 报复式浪漫讲百句I Love You

2022-02-17 07:00

冯允谦（Jay）新歌《报复式浪漫》邀请人气女神刘沛蘅（Hillary）担任女主角，要饰演热恋中情侣，攞正牌疯狂放闪！MV其中一幕，二人要在床上谈情，Jay担心被人觉得好咸湿，一度唔知将手放去边，他说：「唔敢乱摆又怕摸错地方，于是就放喺佢个头上。」Hillary哈哈大笑说：「你系咁摷乱我个头，每次Cut机都要执一次。」Hillary在MV里饰演一名控制狂女友，不但锁住Jay在屋企，还迫他穿情侣装、手机壳、Wallpaper，甚至躲在床下底监视男友，非常夸张。

导演要求甚高，要Jay以不同层次向Hillary讲「I Love You」，百厌的Hillary不停摇头装聋，要他讲完又讲。最初细细声温柔地在她耳边讲，然后愈讲愈激动，最后做埋动作，大大小小的心形手势都做齐，Hillary仍然甜笑不停摇头，Jay拿她没办法，拳头硬晒，还肉紧地捉住她手臂，全场爆笑。足足讲了百次「I Love You」，二人笑言打破人生中，示爱和被示爱的纪录。他们说：「无论有没有情人，只要好想有Sweet嘅感觉，就可以日日重复睇呢个MV，睇我哋好变态咁互相用浪漫报复对方！」

Hillary在MV里饰演控制狂女友。

冯允谦推出新歌《报复式浪漫》。

Jay叫大家睇佢哋点样好变态咁互相用浪漫报复对方！

Jay赞Hillary个样够Sweet，好啱呢首歌。

问Jay为何邀请Hillary做MV女主角？他表示不用多说时，在旁的Hillary撒娇：「讲啦，讲啦，我想听呀！」他笑说：「我哋一早喺IG相识，第一次传短讯畀佢时串错佢英文名，好瘀，所以搵佢拍MV赔罪。」Hillary失望扁嘴。Jay认真地说：「睇佢个样咁Sweet，就知好啱呢首歌啦！其实我一直都好想同Hillary合作，后来知道原来我哋系同公司，所以就大胆要求请佢拍MV。」Hillary闻言心花怒放，说：「真系你要求搵我？好开心。我好锺意你嘅歌，公司话我知同你拍MV，我劲开心！」还即时讲出多首他的作品名，证明自己是铁粉。而当Jay一人埋位时，Hillary就如小粉丝般用手机拍摄。