宋江游走生日应援打卡庆28岁赶拍《Sweet Home 2》准备随时入伍

2022-04-23 23:30

韩剧《气象厅的人们：社内恋爱残酷史篇》男星宋江今日（23日）28岁生日，佢就一早去地铁站睇粉丝为自己搞嘅生日应援，兼且打卡上载到社交网，仲有坐喺气球、花束、蛋糕同礼物中间，摆出心心手势影相答谢粉丝。佢留言：「感谢大家每次给我大大的爱，我得到很大的幸福。非常感谢！祝大家有个愉快周末。」

宋江主演的《气象厅的人们》于本月初播出大结局。

宋江逐个生日应援打卡。

宋江留言感谢粉丝。

估计宋江今日都只是抽出少少时间去影张相，事关已届兵役大限嘅佢，今年随时被召入军队。而佢现时正忙于为《Sweet Home》第二季开工，日前就有网民分享路透照，见到饰演「车贤秀」的宋江与第一季都有份嘅「边尚昱」李阵郁在商场内拍摄。穿上西装企喺木盒上嘅李阵郁，神情凝重望向背对镜头嘅宋江，未知今次嘅剧情系咪第一季嘅延续。