独家丨监制叶镇辉首回应无意开《金宵3》解构《金宵2》各类型伏线

2022-04-22 09:00

《金宵大厦》两年前首播获封「神剧」，观众一直期待《金宵大厦2》，果然推出以来反应不俗，身为的监制叶镇辉（阿细）当然开心，他又大爆结局会跟第一辑有关连位。阿细又亲自解构剧内各类型伏线，令观众煲剧时嗒落更有味，不过阿细却首次回应开《金宵3》可能性：「好难再开！」

采访：杜杜摄影：沈健程

虽然第一辑成绩亮丽，但阿细制作《金宵2》完全冇压力。

伍咏薇在《金宵2》演绎的「芬姐」，获得外界一致好评。

《金宵2》反应好，阿细跟制作团队当然开心，但不会想要超越第一辑成绩，「随缘！唔需要比较。」不过他估不到，观众对第一辑的情意结，「今次系全新角色全新故事，但系观众仲系好留恋《金宵1》，系几有趣。」为了令观众一解第一辑思念，他透露：「今次会喺最尾嗰集令到观众连系返《金宵1》，最尾会有返个情怀畀返观众睇，但点样有关连就留返观众睇。」

就在陈山聪婚宴上，阿细跟伍咏薇重逢，并促成今次合作。

阿细爆李施嬅和陈山聪60年代戏份，在两人说话方式上暗藏伏线。

伏线够烧脑

阿细还自爆剧内有大量伏线，相当烧脑，「其实每个单元每1集，都会放咗好多伏线畀观众去嗒，举例李施嬅60年代个医生，点解咁样讲嘢，声线咁怪嘅，但大家有冇发觉山聪反而冇呢？又譬如第一集灯蛾扑火好似好普通，但施嬅救返生佢后，佢都系飞返去盏灯度个含意系咩？睇到最尾大家就会明，每个细致位我哋都有铺排，其实施嬅屋企『Ella家』，有晒10个单元嘅元素，无论系喺道具定陈设或者布景上面，施嬅个角色离唔开呢10个单元，因为佢系有牵连，甚至乎有关系，呢啲就放咗喺美术上，大家可以去留意。」

李施嬅饰演的「Ella」，家中道具、陈设和布景上亦有大量伏线。

阿细和编审罗佩清跟李施嬅、陈山聪和赵希洛，因合作而成为好友。

既然《金宵 2》反应好，会否有望制作《金宵3》呢？不过阿细竟然话：「未必啦！其实喺创作上《金宵2》开始有困难，第一辑时男女主角前世今生，已经好白话晒畀观众听，《金宵2》唔会有第二次前世今生，就玩平行时空全新角色，但如果再开第3辑，呢个生命都畀观众睇晒，所以好难再开，单元故事就容易啫，但条主线好难再叉开一个话题，所以未谂过拍《金宵3》，因为无论创作同制作都有好大压力。」