苏皓儿获As One旧队友贺牛一 寿星带埋爱猫出席识女仔

苏皓儿（Chloe）本月6日度过28岁生日，获昔日女团组合「As One」队友陈苇璇及怀孕中嘅陈苑澄同佢庆祝，由于呢期《Candy Ball》翻红，《全民造星IV》同《肥美人》都有人唱，识睇紧系睇原装啦！

 

睇相已经好似有音乐飘出嚟。

 

三人齐集苇璇屋企，寿星女仲带埋爱猫皮皮到达，「皮皮都大个啦，间唔中要带佢出去识女仔。」之但系屋主本身养有三只猫，虽知道猫嘅地盘意识好强，睇片见到皮皮四围哄，又闻猫，吓到其中两只猫都唔敢行近，陈苇璇笑言「全家进入惊恐状态」，冇发生血案算好彩。

 

Chloe爱猫系咁哄苇璇猫猫，睇吓右边嗰只。

 

仲有一只伏喺高空位置。

 

从大合照可见，三人发型有九成相似，其中有张相见到陈苇璇抱住皮皮，但猫猫极度挣扎，搞到苇璇都留言畀Chloe，「你个仔皮皮真系好崩坏😂😂😂希望你今年可以教好佢。」猫奴网友应该睇得好开心。

 

呢张相主力睇猫。

 

Chloe及苇璇抱住嘅都系后者嘅爱猫。

 

三个嘅发型都好似。

 

皮皮好靓仔。

 

更多第5波疫情资讯，请到以下专页浏览按此  

立即下载 | 全新《星岛头条》APP : https://bit.ly/3yLrgYZ