独家丨张彦博装备好等机会圆梦　入行17年曾被劝退

2022-04-20 08:00

张彦博继《金宵大厦》演年青版刘江后，最近在《金宵2》饰演相机店店主「阿Lam」，再拍《金宵》他坦承有压力，因角色是以往未尝试过类型。41岁的阿博入行17年，除了拍剧还自资出歌，就算被劝退仍坚持追梦，他谓疫情下仍努力装备好自己，为的是等一个机会。

采访：杜杜摄影：沈健程

发型：Deep Yu

阿博明知演艺路不易行，但有路行仍不会放弃。

阿博坦承拍《金宵大厦》时没估到会变成「神剧」，所以开心有机会拍新一辑，「嗰时都有啲喜出望外，冇谂过有呢啲嘢发生，会期待今次剧本，因为我哋编审都写过好多套『神剧』，当我接到剧本嘅时候，都觉得几大挑战，因为个角色性格系我比较少演绎嘅。」

第一辑阿博演关键人物「林若思」年青版。

在《金宵2》阿博演相机店店主「阿Lam」。

预冇实质回报

年前《金宵》播出时反应好，可惜接着出现疫情，令阿博好多工作机会被打断，「都有担心㗎！谂住啲嘢接住去做，我哋艺人主要收入系广告或者出面嘅工作，艺人生涯好短暂，可能眨吓眼冇咗两、三年，但系嗰两、三年系最fit嘅时间。希望疫情下，唔会系一个打击，反而系一个好好装备自己嘅时间，好好守住个火，因为好容易会熄，唔单止等待，系你谂唔到将来会变成点。」

本身是猫奴的阿博，今辑跟黑猫「靓宝」有不少对手戏。

阿博41岁仍拥有童颜，他不认为对戏剧演出是障碍。

为推出人生第一只EP储足10年钱的阿博，多年来一直坚持追梦，因为真心爱演艺工作，「好似我早两年开咗两场个人演唱会，大家都明呢个时势开演唱会，都唔会有得赚，除非开3、4场以上，点解要做呢件事，因为真系锺意，不过有时睇到网上一啲留言未必会开心，会话『你咁样不如算把啦！』拨你走咁样。我深信一啲嘢当你坚持行到最后，就会有回报，未必系一啲好实质嘅嘢，可能系一啲fans支持，我已经觉得好满足㗎啦！」对于有指童颜影响戏剧发展，阿博认为只需一个机会，「如果开啲角色需要有经验，但系要咁嘅样，咁咪啱罗！我ready㗎！但系可能等到我瓜，都未必等个机会，但至少自己喺waiting list入面，都好感恩。」