独家丨梁茵努力搣甩拜金女形象 唔想成世唔开心拒绝被「照顾」

疫情下唔少幕前嘅工作都被迫煞停，26岁嘅梁茵（Kiko）为咗寻求更多出路，去年10月决定离开工作咗9年嘅TVB，除咗做「小三」、花瓶外有更多发展空间。她自爆喺艰难时间曾有人提出「照顾」她，但拒受诱惑：「我唔想因为眼前短期利益，之后一世会唔开心。」采访：方骞平 摄影：沈健程 手表：Crisathena

 

梁茵唔介意自己包包面及牙齿唔够靓，希望观众接受真实嘅自己。

 

梁茵有样有身材。

 

梁茵曾于《爱回家之开心速递》中饰演最爱钓金龟嘅「威龙潘金莲Anita」，形象深入民心，由于演得入型入格，她形容为成也Anita，败也Anita：「观众好难分办到真假，都试过出街畀人指住嚟闹㗎！𠵱家尽量搣甩呢个形象，钻研做吓喜剧甚至丑角，要跳出框框先会真正成长，但仍多谢旧公司畀机会我，令我得到观众认识。」

 

《爱回家》嘅拜金女Anita一角令梁茵得到观众认识。

 

拥有靓Body嘅梁茵，唔使被照顾都搵到食。

 

传闻致双失好后悔

梁茵自爆曾有人向她提出「照顾」：「重点系要识得拒绝，每个人都有选择权利，我相信自己有能力获得更多财富，唔好影响到价值观。我唔想因为眼前短期利益，之后一世会唔开心。」她感激有父母做后援：「佢哋唔系有钱，但同我讲『就算畀唔到家用，个女红唔起唔紧要，知道你喺呢9年付出好多心机。』」她又喊爆谈及一件遗憾事：「当日卷入律师人夫『小三』传闻，因为我冇坚持要向外澄清，最后冇咗个大广告，因为男朋友家人唔信任我，连男朋友都提出分手变咗双失，如果唔系因为呢件事，我应该去咗人生另一阶段，其实都好后悔，好彩有家人一直支持我。」

 

梁茵讲到前度及父母就爆喊。

 

喺「双失」时期庆幸有家人支持。

 

当日前度为她庆生，sweet爆。

 

梁茵本身好想嫁畀前度，可惜事与愿违。

 

更多第5波疫情资讯，请到以下专页浏览（按此）

立即下载 | 全新《星岛头条》APP : https://bit.ly/3yLrgYZ