独家丨陈雅丽见黄又南6次即丧咀同戚其义合作望提升演技

2022-04-11 07:00

陈雅丽（Allie）入行8年，一直在内地发展，最近终首拍港剧，演出由戚其义监制及执导「亚洲心动娱乐」网剧《逐流时代》，一直是戚其义粉丝的Allie，有机会拍偶像作品，希望藉此提升演技，而她最估不到跟初次拍档的黄又南，见面仅6次就丧咀。

采访：杜杜摄影：沈健程

服装：#Hapi

场地：The Art Club

Allie希望《逐流》令香港观众加深认识，未来在港有更多工作机会。

内地打拼多年，Allie曾试镜100次才被拣中两次，一度想过放弃。

读大学时，Allie已开始做模特儿工作。

读大学时，Allie已开始做Model，之后到北京电影学院进修时，遇上试镜及演出机会，决定留在当地发展，直到年前因疫情返港陪伴家人，造就了初次拍港剧机会，「呢啲咁嘅时势，万一我突然间出事，身边一个人都冇，我会觉得好惨，所以返嚟香港同屋企一齐，咁啱就有呢个casting机会，都系缘份。」

在内地的Allie，仍常跟香港艺人合作，13年跟惠英红拍剧集《无敌铁桥三》。

18年拍电影《西游记•女儿国》，跟郭富城和罗子溢合作。

初见偶像「表心迹」

本身是戚其义粉丝的Allie，试镜时已向偶像「表露心迹」，「我话好锺意佢，我真系佢fans嚟，细个睇《金枝欲孽》真系想打爆部电视，会睇到好嬲，我话真系好想同啲有营养嘅导演合作，可以学习，演员一定要透过同啲好叻嘅导演合作，先至会有提升，眼光都会唔同啲，好似打大佬咁，我话好想同佢合作，佢就话一定会。」真正埋位跟偶像合作，Allie更难忘，「我成个过程系紧张，但系又兴奋，因为我觉得可以同佢好好学习。」

跟偶像戚其义及前辈黄德斌合作，令Allie获益良多。

在《逐流》中，Allie饰演律师「高帼馨」（Jeovanna）。

Allie跟剧中演员虽然是第一次合作，但跟大家相处好融洽。

Allie在《逐流》中饰演「口才世一」的律师，跟首次合作的黄又南，由斗气冤家变成情侣，「又南好nice，我细个有听Shine《燕尾蝶》，同佢讲好锺意听，佢就会间中喺片场唱live版，好开心呀！」而Allie跟又南演得情侣，亲热戏当然不能少，「都几得意，我哋系见咗6次面就要丧kiss，头两次系围读，到第3次见面系试造型，到第4次见面系记者会都仲系唔熟，到第5次见面先至系正式拍嘢，但系第2日拍嘢就要埋身肉搏系咁咀，好彩又南好有经验，我哋唔谂太多埋位就锡，都好放心，但佢啲须会拮到我红晒，都几搞笑！」