陈颖欣「出关」拍饮食节目搞搞震 疫情下靠网购打发时间

陈颖欣 （Yanny）早前与同门徐頴堃（Erica）及梁式昕（Catrina）分别为香港开电视节目《疫境中的餐桌》担任嘉宾，与名厨张锦祥（Ricky）及余健志（Jacky）边闲谈边炮制美食。提到香港第五波疫情，Yanny直言因工作改期或延迟已有足足一个月宅在家中，她靠网购打发时间︰「因为好多工作都改期或者延迟咗，所以我真系有足足一个月冇出过街，其实我本身都网购多，𠵱家多咗喺屋企，就会心思思好想买啲厨房用具，希望去煮多啲嘢食。」

 

陈颖欣较少入厨。

 

由于最近疫情有缓和，工作逐渐复工，故她的厨具仍未「开封」，她笑说︰「啲用具运到过嚟，跟住我又开始开返工，所以又未真系好正式煮到啲乜嘢，但系因为多咗时间，反而用心去经营返YouTube channel，拍返多啲片，同多啲fans交流多啲，同埋分享一下生活。

 

陈颖欣跟名厨张锦祥、余健志及主持人邝芷凡同场。

 

Erica化身「才女」出网上杂志

至于Erica则透露因疫情减少幕前工作，多留在家中反而忙个不停，她说︰「除咗网上教小朋友英文、帮网上音乐平台打理各种事务之馀，最近亦都同朋友们出版咗第一期嘅网上杂志。」

此外，为食嘅Catrina笑言今次再上节目留肚品尝大厨整嘅美食，她笑说︰「因为今次煮嘅美食太吸引，所以最后我同制作团队『争食』，系有啲唔够喉。」疫情下她都留在家中开餐，不过就笑说︰「我当然系负责食嗰位，有试过帮屋企人手下厨，但味道有少少怪，希望今次上节目学到技巧返屋企再试。」

 

Erica大晒靓腿。

Catrina留肚食大厨整的美食。

徐頴堃食极唔肥。

 

更多第5波疫情资讯，请到以下专页浏览（按此）
立即下载 | 全新《星岛头条》APP : https://bit.ly/3yLrgYZ