独家丨星级父母齐撑「童心抗疫画出彩虹」绘画比赛 孖子女发放正能量

由善德基金会主办，星岛新闻集团全力支持的「童心抗疫  画出彩虹」绘画比赛，针对4至12岁小朋友，主题为在居家抗疫期间，透过亲子画作分享及发放正能量。圈中九位星级父母陈展鹏夫妇、关心妍、林盛斌、罗敏庄、车婉婉、黄泽锋、张达伦、岑丽香及杨潮凯亦好支持，响应正能量活动提供亲子画作之馀亦有透露疫情期间，跟子女的生活点滴。

采访:杜淑霞、方骞平     撰文:廖思慧

首一万二千名绘画比赛的参赛者均可获得一副由自己画作制成，独一无二的爱心砌图。得奖者除可获奖杯、奖状外，得奖作品更有机会制作成爱心砌图，转赠给其他儿童。报名日期至2022年4月30日止，详情可留意网址：https://www.shinetak.org/2022.html
 

陈展鹏教英文数学都好攰
陈展鹏的女儿陈诺瑶（小猪比）就快3岁，小妹妹好搞笑，觉得好光所以要同爸爸一齐戴黑超画画，「佢而家开始化妆、戴超、拣衫、头饰，所有嘢都要话事。」因为长期留家，展鹏要安排好多玩具畀囡囡，「要教佢英文字句点组合，用好多玩具去配合，又要教佢背九因歌，唉，其实都好攰。」

陈展鹏表示囡囡而家好有主见。

小猪比刚五岁生日。

陈展鹏坦言教女教到有啲攰。

小猪比同妈妈一齐画画。

关心妍自度食玩教学课程
关心妍(Jade)同5岁半囡囡杨荣心（心心）一齐绘画，心心画咗公园，当中有滑梯、千秋及彩虹，最重要画咗一家三口，加埋只狗BUTTER。Jade表示心心的幼稚园行国际学校路线所以仲要返学，每日待囡囡上完网课就会自度关老师教育课程，「每日安排唔同活动，整松饼、啫喱、刨冰、Painting、唱歌堂、钢琴堂，亦会安排挑战比赛，喺屋企放啲三角型嘅Cone畀佢跑，练返啲体能。」为怕囡囡闷，Jade绞尽脑汁，「最近玩过BOTTLE FLIP，放啲水入水樽再抛，可以玩个几钟，玩完一个之后再挑战两个或3个，一家人可以比赛，系好好嘅亲子活动。」

狗狗劲抢镜。

林盛斌陪孻仔笑住画自已
Bob的孻仔林道申（Jaye）选择画爸爸，Bob提醒囝囝画眼耳口鼻边睇边笑。囝囝画完仲记得写返爸爸个名，最后再举起幅画大声叫「我爸爸」，相当可爱。

Jaye仔个笑容好搞笑。

Jaye仔举起画有爸爸嘅画。

罗敏庄安排囡囡泰国读书
相信好多人都认识罗敏庄的9岁囡囡陈禛，因为陈禛读国际学校所以仲未放暑假。讲到疫情下囡囡要上网课觉得好惨，所以计划紧安排囡囡暑假后去第二度读书。「梗系去泰国，我最锺意，个女放假喺屋企都系睇吓戏，喺附近慢跑，小朋友喺屋企惯咗就唔愿出去，所以呢个疫情真系好大影响。」

罗敏庄指囡囡平时都有上Art堂，经常有画画。

陈禛作品。

黄泽锋笑言囡囡未识扭计
黄泽锋每周会带两岁半囡囡黄𤋮恩(小黄妃)去沙滩行吓，「而家沙滩都封埋，好惨。」又指囡囡开始识认知已经有疫情，从来唔知去街玩系咩感觉，所以未识扭计去玩。今年9月先读K1的小黄妃一拎起画笔就系咁画。爸爸满足笑说，「佢自己乱画，毕加索后现代画作，个女画画有啲天份。」

黄泽锋好欣赏囡囡嘅画作。

杨潮凯开心囡囡爱做习作
刚于大阪电影节获「ABC电视奖」的杨潮凯买咗习作畀4岁囡囡Catharine，「系囡囡要求要做，放假头两日已经做晒学校畀嘅功课，要求我哋再买习作畀佢，有数学有英文，佢做得好开心。」Catharine的画作内有一家三口，杨潮凯说，「佢拎咗郊游执返嚟嘅树叶，加啲颜料就印块树叶落去，跟住用手指点一点颜料做眼耳口鼻，出嚟感觉有啲抽象。」

杨潮凯囡囡锺意做习作亦喜欢画画。

Catharine好有创意。

张达伦常陪囝囝多做运动
张达伦指画作由4岁半囝囝张凯硕（Zachary）自由创作。停工嘅张达伦日日陪住囝囝，除咗陪做功课，又会一齐打篮球同跑步，近日又买咗对Roller鞋畀Zachary。

停工嘅张达伦日日陪住囝囝。

小朋友啲画作真系好得意。

车婉婉兴奋4月终有实体课
车婉婉一向任由就嚟5岁的儿子Justus Quinlan（BBQ）创作，画作中表示BBQ想同爸爸去游水，妈妈就喺旁边等佢。「安全情况下同佢踩滑板，一星期四、五日，或者行山，打羽毛球、踢波、等佢可以放电。」BBQ目前读K2，知道4月可恢复实体课，车婉婉非常开心。

从画作可见，BBQ好想同爸爸游水。

好得意。

岑丽香囝囝用冰粒去绘画
香香为撑今次活动，就叫咗好锺意画画嘅3岁囝囝吴主轩（Jacob)发挥无限创意，以有颜色嘅冰粒去画咗一辐好缤纷嘅画作。

香香好支持活动。

用有颜色嘅冰粒画画，好有创意。

多第5波疫情资讯，请到以下专页浏览按此

立即下载 | 全新《星岛头条》APP : https://bit.ly/3yLrgYZ