邓小巧婚后遭恶毒留言攻击扬言得到爱唔一定要生得靓

2022-03-29 19:00

邓小巧今个月初与外籍男友「白先生」在加拿大结婚，正式升呢成为人妻。小巧自公布求婚到结婚，收到很多好友的祝福，但原来亦收到不少恶毒难听的留言，她今日在社交网帖文并以「关于语言暴力」为题，坦言被攻击丑样：「其实喺呢行咁耐，都听唔少。嚟嚟去去，以前对我嘅攻击都系丑样、肥、猪x，生成咁样学咩人做歌手之类。结婚之后就话『鬼佬真系重口味』、『多个人去外国做鸡』、『呢啲猪扒真系鬼佬先食得落』诸如此类。」

小巧以「关于语言暴力」为题，坦言经常被攻击丑样。

阮小仪、许廷铿、张曦雯等圈中好友力撑。

邓小巧今个月初与「白先生」在加拿大结婚，做幸福人妻。

小巧表示朋友劝她不用理会，但她认为各式各样的语言暴力就是因为大家「唔理」，所以形成某一小撮人横言无忌：「网上嘅语言暴力好可怕，因为留言嘅人见到你，但你可能永远见唔到留言嘅人。我哋好经常批评别人嘅外表，肥嘅太肥，瘦嘅太瘦，靓嘅整容，性感嘅就系荡妇。总之就要搵到你睇唔顺眼嘅地方，然后暗中背后指住人哋谩骂，好似呢个世界上仲欠缺好多恶毒嘅人。」

最后小巧表示不想再纵容姑息恶行：「莫因善小而不为，我哋就系包庇一啲小恶行，慢慢纵容出大恶行。」并为自己作出大平反：「最后，其实，得到爱，唔一定要生得靓。呢个系我哋嘅first dance ,我话我想著便服，佢话：whatever makes u feel good ,be nice to the world.」不少圈中好友阮小仪、许廷铿、张曦雯亦有留言表示支持。