朱薰发梦都想去旅行靠睇旧照吊命分享仔女5年前可爱相

2022-03-28 07:30

商台DJ朱薰2010年与乐队Mr.的Bass手谭健文（Dash）的孖生兄弟谭健荣结婚，二人婚后育有一子一女，生活幸福美满。朱薰不时在IG分享仔女的照片，而6岁细女妹之可爱模样更吸引很多网民留言，最近妹之更被不少广告商赏识，找她拍广告。近年受疫情影响令一向爱旅行的香港人冇得周围飞，昨日（27日）朱薰于IG分享她发梦都想去旅行的经历，「大镬！😱我book咗听日后日去泰国，但系唔记得请假！😱😱😱真㗎！我噚晚个梦系咁讲㗎！」梦醒后朱薰唯有睇旧照「吊命」。

朱薰梦到自己要去泰国旅行唔记得请假。

5年前嘅大仔同细女。

而家已经咁大个嘞！

朱薰分享上一次去旅行，已经是5年前的事。当时一家大细去参加好朋友在泰国举行的婚礼，更大爆当时约5岁大仔的童言童语：「当时谭仔仲好认真咁问，点解结婚要去泰国咁远，唔近近哋去太古城算🤡」而邀他们一家出席婚礼的朋友，现时已经育有两个小朋友，时间真系过得好快呀！疫情影响下唔好话去旅行，朱薰直情连街都少出。她表示想去旅行又冇得飞，只好睇旧照「吊命」，而旧照中的细女妹之身形只系比个水樽大少少，真系非常可爱！网民都话挂住以前细细粒嘅妹之，不过而家6岁的妹之已经识同大人有倾有讲，网民都话又是另一种可爱。