独家丨许俊豪望终有日当男主角演变态连环杀手演技获赞

2022-03-17 22:30

许俊豪（Lincoln）挟着组合天堂鸟（BOP）发展7年，去年开始专注戏剧演出，早前即凭剧集《爱上我的衰神》变态连环杀手「窦哲人」，入型入格演出，获网民狂赞，可惜撞正疫情未能靠人气搵真银，未来会继续努力演戏唱歌双线发展的他，只望有朝一日能当上男主角。

采访：杜淑霞摄影：沈健程

Lincoln自言单身好Dry，但目前都会以事业为重，「事业都Dry嘅话更加唔好。」

《衰神》中Lincoln的眼镜Look成为标志，有Fans要求他戴眼镜才合照。

Lincoln 早在20岁便加入当时的HKTV训练班入行，对演戏早有兴趣，所以当监制邀请他演出「窦哲人」时，他已知是好机会，「佢话『我有个角色想搵你做，唔知你肯唔肯做』，我听完个角色，梗系即系话做，因为喺电视剧范畴，大家对我唔系咁认识，同埋做奸角喺演戏嚟讲系个好挑战。」

Lincoln跟《衰神》中一班受害者大合照，个个都伤得唔轻。

Lincoln拍摄虐打谷娅溦戏份，错手差点掴晕对方，令他非常歉疚。

搵真银机会成空

为了演好角色，Lincoln特别参考了电影《小丑回魂》中「小丑」放尽式演出，「有啲人话我做到好放，做到好似冇晒形象，我就系想放到自己最尽畀大家睇。」果然出色表现被网民一致赞好，「我记得第7集系最震憾，啲人系翻睇再翻睇，Cap晒图咁，有啲网民仲曝粗话好变态，我自己睇返都觉得好好笑，好开心见到呢啲状况。」他最估不到连有份拍《衰神》的影后罗兰姐，都有留意他演出，「新剧《法言人》我系做佢个孙，见到佢会话『我望住你好惊呀！你真系好入咗个角色，好恐布呀！』但系佢望住我系喺度笑，好得意。」

Lincoln跟罗兰姐合作新剧《法言人》，演对方孙仔。

Lincoln本来想跟陈嘉慧拍档搵真银，遇上疫情大乱计划。

有好反应Lincoln当然鼓舞，但他坦承因疫情影响搵真银机会成空，「观众嘅回应已经系第一步得益先，听到有人称赞，就算唔知有冇人搵我去做其他角色，都开心有人留意。原本我同女主角Erica（陈嘉慧）系有首合唱歌，Cover咗谷亚微主题曲同插曲，试吓做个新组合一齐出骚，但系撞正疫情，就算睇咗段片觉得几好，想搵我哋唱歌都唔得啦！唯有做返多啲片去Keep住人气。」未来目标他向男主角位置努力，「当然唔想埋没咗唱歌方面，想同步发展，如果戏剧方面目标就梗系想做男主角，呢个系长远目标，只要Keep住努力拍多啲剧，学习多啲，我相信会有机会可以有套剧做男主角。」