独家丨陈嘉慧最尊重大师兄张振朗 首当女一压力大要游水减压

 TVB正力捧年轻新人上位，25岁嘅陈嘉慧(Erica)火速成为新剧《爱上我的衰神》女主角。处女下海孭重飞，Erica坦言有压力，加上角色有啲沉重，拍罢后要去游水减压。当问到系咪乘机晒吓身材，公开内外兼备？Erica即耍手拧头否认：「唔系呀！只系想畀人睇到我焕然一新咋。」采访：方骞平 摄影：叶君海 发型：Terence Chan 化妆：Ivymakeuphk 服装：Myaleshia 场地：浪.居酒屋

陈嘉慧相信付出努力一定会有人睇到。

陈嘉慧受《降魔的2》监制方骏钊赏识，新剧《爱上我的衰神》搵她首当女一，剧中派衰运畀胡鸿钧，不过，因怜生爱发展出感情来，陈嘉慧最难忘要献出萤幕初吻给胡鸿钧。

对于献出萤幕初吻畀胡鸿钧，陈嘉慧坦言有啲怕丑。

 

新剧首当女一，剧中派衰运畀胡鸿钧。

被胡鸿钧整蛊
Erica忆述说：「初拍kiss戏，roll机时本能反应系要避开，所以好自然会推开佢，拍呢场戏正值系凌晨4点几，为咗唔好阻人收工，唯有鼓起勇气，嗱嗱声拍好佢，睇返Playback都觉得有啲怕丑。而胡鸿钧知我嘅『第一次』系会有啲紧张，佢就带住我去拍，又搞Gag问我『感觉点呀？舒唔舒服？好唔好咀？』佢成日整蛊我㗎，真系顶佢唔顺，可能剧中佢冇乜嘢讲，所以镜头以外变成开笼雀。另外，因为有场戏喊到好崩溃，拍完头几日都仲系心情低落，好彩当时喺夏天可以约埋剧组出海放吓电。」

其中有场戏陈嘉慧喊得好崩溃。

 

陈嘉慧身材几养眼。

陈嘉慧毕业于第29期电视艺员训练班，入行仅4年已「升呢」做女一坦言好幸运，她称好尊重训练班大师兄张振朗：「我同佢唔熟，年前同佢拍《机场特警》，我只系演护士仔小角色，但佢好主动帮我向剧组提出除口罩出镜，等新人有多啲曝光机会，佢真系好照顾后辈㗎。我喺佢身上学到要keep住演戏热诚唔好气馁。」

她由张振朗身上学到要keep住演戏热诚唔好气馁。

 

《降魔的2》陈嘉慧瞓垃圾堆演出。

 

陈嘉慧好尊重训练班大师兄张振朗。

立即下载 | 全新《星岛头条》APP : https://bit.ly/3yLrgYZ