独家丨敖嘉年筹物资一呼百应感动到喊疫下行善黎诺懿望起带头作用

2022-03-14 22:30

香港第5波疫情持续严峻，对基层巿民更加百上加斤，一班艺人除了捐出物资外，更身体力行出心出力帮忙，好似敖嘉年、黎诺懿、李璧琦和何沛珈等，除筹集物资，更亲自送到有需要人士及机构。上周六（12日）嘉年就亲到小西湾邨派发防疫用品，他感恩每次筹集物资都一呼百应，提起都想喊；而黎诺懿希望起带头作用，能鼓励更多人献出爱心。采访：杜淑霞　摄影：沈健程（敖嘉年）

小西湾邨的清洁工人，在嘉年手上接过物资。

上周六（12日）下午，嘉年亲自去到小西湾邨派发物资给现场工作人员，「佢哋每日都要面对清洁各样嘢，佢哋好需要消毒物资，同埋保护装备，今日我哋送咗啲口罩、搓手液，仲有快速测试包，呢3样嘢都系工作人员最需要嘅物资，我都呼吁多啲善长仁翁捐助，等有需要人士可以用。」

嘉年跟其他义工，跟工作人员一齐合照留念。

感情事睇缘份

身为虔诚佛教徒的嘉年，其实多年来都有参与慈善工作，「譬如帮助寺院修葺，去探望一啲独居长者送啲嘢畀佢哋，或者喺街度派饭盒。」在疫情下他主要做联络筹集物资，也会亲自派发，「有寺院问我有冇啲咩物资可以畀到老人家用？我即刻去搵，真系一呼百应。」他试过询问一些公司老板，反应令他相当感动，「胆粗粗去问，有间学校好急需要帮手，我话如果你哋捐唔到，我就筹啲资金买，但系佢哋好好，我听完都想喊，啲老板叫我哋唔好买，都知𠵱家我哋呢行搵食特别难，佢哋会捐去学校。」

嘉年本在2月演出的舞台剧《喺好耐好耐之前》，因疫情被迫延期。

嘉年坦言疫情令工作大受影响，登台演出停了多时外，今年本来演出的3个舞台剧计划亦打乱，如本在2020年演出的《天涯歌女》，「最初话延到4月，但唔使谂，年尾我仲有一个同焦媛一齐做，原本2月嗰个叫《喺好耐好耐之前》，应该要出年先做得，其实排练好晒！」幸好他电视工作仍继续，除了电视剧还有综艺，「我啱啱帮有线拍咗个节目讲医学常识，同梁嘉琪一齐做。」早前他跟蒋家旻爆出绯闻，因而公开跟前妻已离婚3年，他坦承现在好享受单身生活，宁愿花更多时间心思在慈善工作，感情事就随缘。

诺懿跟少年食神，联同菜栏华丰栏负责人一同派物资及蔬菜。

日前诺懿到了新界北区3个地方派发物资及新鲜蔬菜，为居民送暖。

带大仔同行善

黎诺懿创立个人品牌「店小懿」4年，一直有做义卖食物筹款，善款用作帮助有需要单位，如捐给香港盲人辅导会支援制作点字图书，但看到第5波疫情严峻，早前他决定出手，「之前义卖年糕筹咗啲钱，就拨咗少少出嚟，去买血氧计畀独居老人家，买咗1,000个、仲有口罩同快速检测，快测其实都贵，对于每日都要用嗰啲职业压力都大。」他坦言最终目的是起带头作用，希望令更多人加入行善，「我哋艺人最好就系做带头，讲真唔系帮到太多，始终能力有限，希望同各界讲声，你哋可唔可以一齐帮吓手，渡过呢个难关，其实好多行业都系寒冬，希望可以快啲回复返以前嘅香港啦！」

诺懿会带同大仔一齐落区，太太都好支持。

诺懿坦言较担心细仔「小冬牛」抵抗力，所以除打针不让他出街。

去年12月再为人父的诺懿，细仔「小冬牛」只得4个月大，疫情下他仍冒险落区派发物资，他坦言为慈善相信上天会眷顾，更会带大仔「小春鸡」同行，「我觉得如果我哋都唔做，就冇人做！我好小心，阿仔有成日跟埋我车去送货，佢当然唔会落车啦！」而每次落区后，他都会全身消毒才见家人，「好彩外母住得近，𠵱家我要做嘢嘅话，佢哋就会去咗嗰边先，等我返屋企全身消毒晒，先至去接返佢哋。」