独家丨李佳芯强调单身未Ready拍拖 同黎诺懿许愿树抛宝牒祈福

39岁嘅李佳芯（Ali）月前被爆与城中富豪「虫草大王」陈恩德秘恋逾一年，不过Ali火速落闸否认更强调同「陈生」冇发展可能，更称单身嘅「女神」Ali日前同老友黎诺懿去许愿树抛宝牒祈福，女方喺宝牒只写上「身体健康平安喜乐」，她重申绯闻唔系真，感情方面未ready，只好交返畀个天。采访：方骞平 摄影：沈健程

眼界唔错 李佳芯抛咗3次就成功。

拍拖随缘 李佳芯强调单身，感情事随缘。

李佳芯同黎诺懿因为剧集《BB来了》结缘，两人约埋去许愿树抛宝牒、敲钟祈福，Ali边抛边讲吉利说话：「虎年大家都好！」她抛咗3次就成功，虽然宝牒落点比较低，但都开心到跳起；诺懿就抛足8次，要Ali不停为他加油：「代表住好快会行好运。」黎诺懿解释，系因为其中一个愿望「梦想成真」系送畀好拍档李小姐(Ali) 嘅，所以希望将宝牒掟得愈高愈好，Ali大赞诺懿系暖男拍档。好有义气嘅黎诺懿却说：「𠵱家我人生冇嘢从缺，咪将小小福气送畀人罗。」

齐做综艺 黎诺懿新一年会搞综艺节目，到时同李佳芯会有合作。

宝牒许愿 黎诺懿希望李佳芯可以梦想成真。

两人喺宝牒上写上新年愿望

试吓新嘢 李佳芯、黎诺懿坚持唔再拍《BB来了》续集，试其他新嘢仲好玩。

健康快乐最重要
谈到新年愿望，李佳芯话年年都差唔多，最重要身体健康：「呢两年调整咗心态都过得几好，𠵱家系大环境嘅事，有疫情、海啸、地震、水灾，除咗自己外，仲要关顾埋动物、家人及朋友，既然所有嘢要喺自身出发嘅话，身体健康，平安喜乐好重要，搞掂自己先做其他嘢。」黎诺懿觉得最紧要开心，因为疫情下好多计划都赶唔上预期，最惨演员嘅黄金时间有限，所以好希望Ali梦想成真可以做到想做嘅事。Ali最开心获网民力橕：「呢两年做咗好多嘢，推出过散文集及举行过陶瓷和书法展，又开拍微电影，做到好有份量及好有价值嘅嘢，希望之后都可以试多啲新嘢。」黎诺懿大赞李佳芯有喜感，综艺方面可以交畀佢搞，笑言安排她同高海宁、张曦雯、姚子羚等做女团。

文青「女神」 去年李佳芯推出散文集《心之所往》。

网民力撑 Ali好开心凭剧集《智能爱人》的阿宝夺得TVB「最受欢迎电视女角色」。

任务完成 去年黎诺懿为「小春鸡」添来弟弟「小冬牛」，自言已完成晒人生使命。

行善积德 黎诺懿感恩自己拥有嘅一切，所以不时出钱出力行善。

缘份由天去安排
问到诺懿可会帮Ali做媒搵返个城中笋盘？诺懿坚持唔做媒人三代好：「缘份到嘅话，可以送外卖都有，可能会遇到外卖仔郑嘉颖及MIRROR呢！」Ali听完开心大笑：「边有咁多郑嘉颖呀！不过，缘份真系唔可以强求嘅，就交返畀个天安排啦。」跟旧爱陈炳铨分手一年的Ali坦言：「仲未ready好，所以话要随缘。」被封为「女神世一」嘅李佳芯坚持唔觉有人追：「尘世间认为女神系可远观而不可亵玩嘛。(同陈恩德嘅绯闻真定假呢？)梗系假，否则我唔会一枝公嚟许愿啦。」

否认绯闻 李佳芯坚持同陈恩德从来冇拍过拖。

未ready好 Ali跟旧爱陈炳铨分手一年，仲未ready好接受新恋情。

立即下载 | 全新《星岛头条》APP : https://bit.ly/3yLrgYZ