毛舜筠因时差计错数上唔到机几经辛苦终于返到香港

2022-03-12 20:30

毛舜筠（毛姐）受疫情影响超过一年冇见啲女，去年尾趁拍完电影，与老公区丁平飞到加拿大与两女一家团聚过圣诞，但不久香港疫情就升温，港府对美加英法等国家实施「熔断机制」，令本来就赶住回港拍新电影的她滞留加拿大。毛姐上月中身在加拿大时，接受李婉华访问，分享自己搵方法回港的辛酸过程。

毛姐同老公去年飞往加拿大探望两个女。

毛姐上月接受李婉华访问，分享自己搵方法回港的辛酸过程。

她早前就分享过回港大计，决定绕道去曼谷过冷河14日再返港。昨日（11日）她在YouTube表示几经辛苦终于回到香港，不过原来都唔系咁顺利，事关她计错数，「喺嗰9个熔断嘅国家，准备返港嘅一定要留意，我之前咪讲过政府个网站有个日历，话如果你1号离开嗰个地方（加拿大），咁2号开始就系（外游史）第一日喺曼谷，跟住15号就系整整（外游）14日，咁我16号咪可以返嚟香港罗！」但16日当天她到机场却上唔到机，因为她计漏咗加拿大有时差，最后要改机票、改隔离酒店入住日期，搞到17号先上到机。

毛姐终于成功返到香港。

临返嚟香港前计错数。

毛姐于YT片中再大呻过去2个月嘅辛酸，「喺加拿大受尽香港政府熔断机制的折磨，因为每次有新措施话我哋又唔返得香港嘅时候，都系我哋嗰边嘅半夜，要即刻起身改机票同隔离酒店。好担心改到机票又冇酒店住，我经历咗4次呢啲过程。」现时如果身在这9个实施「熔断机制」国家的香港居民，要返香港最快都要等到4月20日，可能仲会延长，所以毛姐决定先绕道去曼谷再返港。而毛姐又分享喺香港隔离酒店的工作人员做事亦都非常急，令她情绪非常紧张和烦躁。又提到日前政府发出紧急警报到香港市民的手机时，吓到心都跳出嚟，「我问老公香港系咪沦陷啦？所以我哋必须要调节好自己心情。」她呼吁大家每日多啲练习深呼吸，用正面态度面对疫情下的香港。