独家丨林峯甜爆拍戏受伤会嗲老婆呵返喜见乐坛热闹想同MIRROR合作

2022-03-09 22:34

5年前，林峯开完红馆个唱后专注影视工作，至今年重返乐坛于情人节推出新歌《幼稚未完》，唱出对旧爱的留恋。林峯表示人生会撞到唔同嘅人，所有经历都成就𠵱家嘅自己，仲冧滋滋话每日收工即返归，就算为大细女(妻女)辛苦打拼都系值得。采访：方骞平摄影：叶君海化妆：Raymond Yip

曾夺「最受欢迎男歌星」嘅林峯今年全面回归香港乐坛。

林峯一提起老婆张馨月及囡囡小「格格」就笑晒口。

林峯于2020年已签约华纳唱片，21年推出头炮作《唱情歌的人》。新歌《幼稚未完》再同邓智伟合作，是旧作《幼稚完》的续集。对于香港乐坛新人辈出，他说：「好开心𠵱家系百花齐放时代，我唔怕被抢风头，反而好想同MC、洪嘉豪、冯允谦、MIRROR等合作，我都好锺意MIRROR㗎！」至于系咪「华纳一哥」？林峯就幽默道：「系就系一，系华纳一份子呀！」

林峯戴上假发拍新歌《幼稚未完》MV。

提到MIRROR，林峯都想同佢哋交流吓。

林峯及容祖儿曾夺TVB《十大劲歌金曲》「最受欢迎男、女歌星」。

5年前开完红馆个唱后，林峯专注影视工作。

每天为妻女打拼

问到《幼稚未完》是否自己在爱情路上曾作幼稚举动的写照？他坦言：「人生都会经历唔同嘅事，撞到唔同嘅人，冇可能一下子成熟，所有经历都成就𠵱家嘅嘢，好感激太太(张馨月)及小朋友。」林峯对老婆发表爱的宣言，坦言每日都为大细女(妻女)而活：「虽然热爱拍嘢，捱更抵夜有时都会呻吓辛苦，但𠵱家唔会，每日拍完嘢第一时间想返屋企见老婆同小朋友，尤其小朋友第一时间跑过嚟叫『爸爸』，乜都值得，好有家嘅感觉。」

林峯感好感激老婆张馨月及囡囡「格格」带畀佢一个温暖的家。

两公婆经常喺社交网放闪，张馨月「投诉」食咗老公畀嘅过期感冒药。

张馨月成日上载同老公的甜蜜照到社交网。

阿女主动吹伤口
林峯又称最近拍紧郑保瑞执导嘅电影《九龙城寨·围城》，42岁要挑战拍打戏，打到伤痕累累，损手烂脚，还向记者展示手指被批咗一忽肉嘅伤痕，作为爸爸一啲都唔锡身：「我对剧组、武指好信任，其实咩年纪都要挑战自己，做到嘅动作就尽做，因为呢啲作品系永恒嘅。多谢导演畀机会我，都希望往后喺动作方面会有更多尝试。」问到老婆系咪好肉赤？他即笑晒口说：「老婆系会担心嘅，不过佢全力支持我，会煲靓汤煮好嘢食畀我补返，每次受伤我会嗲佢话『我又整亲喇，要呵呵，我哋都几sweet㗎！』至于阿女更窝心，佢知我受伤就同我吹伤口，好sweet呀！真系咩都值得啦。」语毕，他又甜丝丝，情不自禁再开心share多啲：「有时被打亲心口，老婆会同我按摩。」记者笑言两公婆咁痴缠会否追多个B？他坦言都想生返个虎或兔B。