独家丨施匡翘庆幸爆疫前完成处女个唱谢高晋开心隔离营配套有改善

2022-02-22 21:00

2020年7月施匡翘（Zaina）成为香港首位确诊艺人要住院，更「带挈」师弟谢高晋列为亲密接触者要入住隔离营。眼见近日再爆疫，Zaina都好唔开心，希望疫情尽快过去，身体健康最重要；至于谢高晋留意到隔离营配套有改善，对隔离人士嚟讲都系好事。采访：方骞平摄影：沈健程化妆、发型：Wingkee Makeup 服装：Harrison Wong (谢高晋) 形象：Janae陈灏而

施匡翘、谢高晋新一年齐心抗疫。

对于虎年愿望，施匡翘望有创作歌。

谢高晋今年会拍戏及出新歌。

施匡翘、谢高晋新一年大派心心。

施匡翘当日康复出院后仍被困隔离营近一个月，情绪曾受影响，幸而对她未有留下阴影，纵使近日疫情严峻，她只会提高抗疫意识，勤洗手及保持家居清洁：「我冇戴两个口罩，如果冇工作咪尽量留喺屋企，唔好周围去，好彩演唱会及拍剧工作喺农历年前已完成，𠵱家都系准备新歌做吓啲幕后工作。虽然演艺界好多嘢都突然煞停咗，但take care身体最重要，只望疫情可以快啲过去。」谢高晋谂返起当日隔离营生活都怕怕：「我有留意关于隔离营嘅新闻，𠵱家嘅设施有齐配套比第一批入住嘅时候好得多，住喺入面嘅人心情应该会好少少。」

当年确诊时，施匡翘住院期间未有服用药物。

当日谢高晋列为亲密接触者要入住隔离营，冇冷气又要捱杯面。

施匡翘赶及第5波疫情爆发前完成两场处女个唱。

古天乐乐于助人

谈及新年愿望，两人异口同声只想第5波疫情可以尽快过去，大家身体健康心想事成。28岁嘅谢高晋去年签约古天乐旗下嘅天加一成为DaDa(陈静)师弟，今年除咗出新歌仲会拍ViuTV新剧及两部电影：「我渴求同古老板拍戏啦！上次同古老板庆生时，我好似小fans咁，佢就鼓励我要多返啲自信，古老板真系好好人，佢会用能力帮返身边有需要嘅人，而非一人独享。」Zaina希望新一年有创作歌，但新歌唔使行性感，尽量唔好露上身，在旁嘅谢高晋就大赞师姐好索。